ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର: ଧାନ ଲକ୍ଷ୍ମୀ ଠାକୁରାଣୀ। ଲକ୍ଷ୍ମୀ ଠାକୁରାଣୀଙ୍କୁ ପୋଡ଼ନ୍ତୁ ନାହିଁ। ଚକଡ଼ା ପୋକ ଓ ମରୁଡ଼ି ଯୋଗୁଁ ରାଜ୍ୟର ବିଭିନ୍ନ ଅଞ୍ଚଳରେ ଚାଷୀମାନେ ଧାନ କ୍ଷେତରେ ନିଆଁ ଲଗାଇ ଦେଉଥିବାରୁ ଆଜି ଚାଷୀମାନଙ୍କୁ ଏମିତି ନିବେଦନ କରିଛନ୍ତି କୃଷିମନ୍ତ୍ରୀ ଦାମୋଦର ରାଉତ।</p> <p>ସେ କହିଛନ୍ତି,“ଚାଷୀମାନେ ବିବ୍ରତ ହୋଇ ଧାନ କ୍ଷେତରେ ନିଆଁ ଲଗାନ୍ତୁ ନାହିଁ। ନକଲି କୀଟନାଶକ ବିକୁଥିବା ଲୋକଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ନିଆଯିବ। କ୍ଷତିଗ୍ରସ୍ତ ଅଞ୍ଚଳ ଅନୁଧ୍ୟାନ ପାଇଁ କୃଷି ବିଭାଗ ଟିମ୍ ଯାଇଛି। ଏହି ଟିମ୍‌ ଫେରିବା ପରେ କଣ କରାଯିବ ସେ ନେଇ ବୈଠକ ବସି ଆଲୋଚନା କରାଯିବ। ଭବିଷ୍ୟତରେ ଏଭଳି ଘଟଣାର ପୁନରାବୃତ୍ତି ଯେପରି ନ ଘଟିବ ଧ୍ୟାନ ଦେଉଛୁ।”</p> <p>ସୂଚନାଯୋଗ୍ୟ, ଗତ ମଙ୍ଗଳବାର ବରଗଡ଼ ଜିଲ୍ଲା କଳାପାଣି ଗାଁର ଚାଷୀ ବୃନ୍ଦାବନ ସାହୁ ତାଙ୍କ ଅଧା ଏକର ଜମିରେ ନିଆଁ ଲଗାଇ ଦେଇଥିଲେ। ତାପର ଦିନ ସେ ବିଷ ପିଇ ଆତ୍ମହତ୍ୟା କରିଥିଲେ। ବରଗଡ଼ ଜିଲ୍ଲାରୁ ଉଠିଥିବା ଏହି ନିଆଁ ଝାରସୁଗୁଡ଼ା, ସମ୍ୱଲପୁର ଦେଇ ରାୟଗଡ଼ା ଓ ଗଞ୍ଜାମକୁ ବ୍ୟାପିଛି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
