ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର(ଓଡ଼ିଶା ରିପୋର୍ଟର): ଭାରତୀୟ ସଂସ୍କୃତିରେ ଗୁରୁ ଓ ଶିଷ୍ୟ ପରମ୍ପରା କେଉଁକାଳରୁ ରହି ଆସିଛି। ଆଜି ଏଥିରେ ଲାଗିଛି କଳଙ୍କ। ପୁଣି ଦେଶର ଏକ ପ୍ରତିଷ୍ଠିର ଶିକ୍ଷାନୁଷ୍ଠାନ ଆଇଆଇଟିରେ ଛାତ୍ରୀଙ୍କୁ ଦିଆଯାଇଛି ଯୌନ ନିର୍ଯାତନା। ଛାତ୍ରୀଙ୍କୁ ପାଠ ପଢ଼ାଉଥିବା ପ୍ରଫେସର ଯୌନ ନିର୍ଯାତନା ଦେଉଥିବା ନେଇ ଅଭିଯୋଗ ହୋଇଛି। ଏପରି ସମ୍ୱେଦନଶୀଳ ଘଟଣା ଭୁବନେଶ୍ୱର ଆଇଆଇଟିରେ ଘଟିଛି।</p> <p>ପଶ୍ଚିମବଙ୍ଗର ରାଜ୍ୟର ଛାତ୍ରୀ ଜଣକ ଭୁବନେଶ୍ୱର ଆଇଆଇଟିରେ ପ୍ରଫେସର ପି.ଡି ରେଡ୍ଡୀଙ୍କ ଅଧୀନରେ ପିଏଚ୍‌ଡି କରୁଥିଲେ। ତେବେ ପ୍ରଫେସର ରେଡ୍ଡୀ ତାଙ୍କ ପାଠ ପଢ଼ାଇବା ବଦଳରେ ଯୌନ ନିର୍ଯାତନା ଦେଉଥିବା ନେଇ ୨୦୧୨ରେ ଆଣି ଆଇଆଇଟି ଇଣ୍ଟରନାଲ କମିଟିରେ ଅଭିଯୋଗ ଆଣିଥିଲେ। କମିଟି ତଦନ୍ତ କରି ଘଟଣାର ସତ୍ୟାସତ୍ୟ ନଥିବା ରିପୋର୍ଟରେ ଦର୍ଶାଇଥିଲେ। ତେବେ ଏହି ରିପୋର୍ଟକୁ ଭୁଲ ବୋଲି ଦର୍ଶାଇ ଛାତ୍ରୀ ଜଣକ ଆଜି ଭୁବନେଶ୍ୱର ମହିଳା ଥାନାରେ ଲିଖିତ ଅଭିଯୋଗ କରିଥିଲେ। ଏପରିକି ଆଇଆଇଟି ରେଜିଷ୍ଟ୍ରାର ଓ ପ୍ରଫେସରଙ୍କୁ ସହଯୋଗ କରୁଥିବା କିଛି ଅଧିକାରୀଙ୍କ ବିରୋଧରେ ମଧ୍ୟ ଛାତ୍ରୀ ଜଣକ ଅଭିଯୋଗ କରିଥିବା ଜଣାପଡ଼ିଛି। କମିଶନରେଟ୍‌ ପୋଲିସ ଘଟଣାର ତଦନ୍ତ ଆରମ୍ଭ କରିଛି। ଉଭୟ ପକ୍ଷଙ୍କୁ ଡାକି ତଦନ୍ତ କରାଯିବ ବୋଲି ଭୁବନେଶ୍ୱର ଡିସିପି କହିଛନ୍ତି।</p> <p>ଅଭିଯୋଗକାରୀ ଛାତ୍ରୀ ଜଣକ କହିଛନ୍ତି-“ଯୌନ ନିର୍ଯାତନା ନେଇ ଆଇଆଇଟି ଇଣ୍ଟରନାଲ କମିଟିରେ ଅଭିଯୋଗ କରିଥିଲି। ମାତ୍ର ସେଥିରୁ ଆମକୁ ନ୍ୟାୟ ମିଳିନଥିଲା। ବରଂ ପ୍ରତିଶୋଧ ନେବା ପାଇଁ ଆଇଆଇଟି କର୍ତ୍ତୃପକ୍ଷ ମୋର ଓ ମୋ’ ସ୍ୱାମୀଙ୍କୁ ପିଏଚ୍‌ଡିରୁ ଡିରେଜିଷ୍ଟାର କରିଦିଆଗଲା। ଏପରିକି ଏଥିପାଇଁ ସୂଚନା ମଧ୍ୟ ଦିଆଗଲାନାହିଁ। ତେବେ ଇଣ୍ଟରନାଲ କମିଟିଠାରୁ ନିରାଶ ହେବା ପରେ ମୁଁ ବାଧ୍ୟହୋଇ ଥାନାରେ ଅଭିଯୋଗ କରିଛି।”<br /> ଭୁବନେଶ୍ୱର ଆଇଆଇଟି ରେଜିଷ୍ଟ୍ରାର କହିଛନ୍ତି-“ଗତ ଅକ୍ଟୋବରରେ ଅଭିଯୋଗ ଆସିବା ପରେ ଇଣ୍ଟରନାଲ କଂପ୍ଲେଣ୍ଟ କମିଟି(ଆଇସିସି)କୁ ତଦନ୍ତ ଭାର ଦିଆଯାଇଥିଲା। ସେମିତି କିଛି ଘଟି ନଥିବା ରିପୋର୍ଟ ଦେଇଥିଲା ଆଇସିସି। ଏହା ସହ ଆଇସିସି ସଂପୃକ୍ତ ପ୍ରଫେସରଙ୍କୁ କ୍ଲିନଚିଟ ଦେଇଥିଲା।”</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
