ଭୁବନେଶ୍ୱର: ରାଜଧାନୀରେ କାମୁକ ଯୁବକଠାରୁ ନିଜକୁ ରକ୍ଷା ପାଇଲେ ଯୁବତୀ। ଯୁବକଙ୍କ କବଳରୁ ନିଜକୁ ରକ୍ଷା ପାଇବା ପାଇଁ ପଥରରେ ତାକୁ ଛେଚିଲେ। ପରେ ୧୦ ଫୁଟ ଉଚ୍ଚତାର ପାଚେରୀ ନିକଟରେ ଥିବା ଗଛକୁ ଚଢି ତଳକୁ ଡେଇଁ ଖସି ଆସିଛନ୍ତି ଯୁବତୀ। ଏଭଳି ଘଟଣା ଦେଖିବାକୁ ମିଳିଛି ଖୋଦ ରାଜଧାନୀରେ।
ଚାକିରି କରାଇ ଦେବାକୁ କହି ଯୁବତୀଙ୍କୁ କେନ୍ଦ୍ରାପଡ଼ା ଅଞ୍ଚଳର ବାପି ଜେନା ଭୁବନେଶ୍ୱର ଡାକି ଆଣିଥିଲେ। ଯୁବତୀ ଜଣକ ଗତକାଲି ତାଙ୍କ ମା’ଙ୍କ ସହ ଭୁବନେଶ୍ୱର ଆସି ମାଷ୍ଟରକ୍ୟାଣ୍ଟିନ ରେଳ ଷ୍ଟେସନରେ ଉହ୍ଲାଇଥିଲେ। ଷ୍ଟେସନରେ ଯୁବତୀଙ୍କ ମାଆଙ୍କୁ ଅଭିଯୁକ୍ତ ଜଣକ ୧୫,୦୦ ଟଙ୍କା ଦେଇ ଘରକୁ ପଠାଇ ଦେଇଥିଲେ। ତା’ପରେ ଯୁବତୀ ଜଣକୁ ସିଧା ୱାଗନ୍ ଫ୍ୟା୍କ୍ଟ୍ରିର ନିଛାଟିଆ ସ୍ଥାନକୁ ନେଇ ବଳାତ୍କାର ଉଦ୍ୟମ କରିଥିଲେ ସମ୍ପୃକ୍ତ ଯୁବକ। ପୀଡିତା ଜଣକ କହିଛନ୍ତି,“ରେଲୱେ ଟ୍ରାକ୍ରେ ଚାଲିଚାଲି ଆସିବା ବେଳେ ଯୁବକ ଜଣକ ମୋ ସହିତ ଅଶାଳୀନ ବ୍ୟବହାର କରିଥିଲେ। ଏପରିକି ମୋ ପାଟିକୁ ଜାବୁଡି ଧରି ମାରିଦେବାକୁ ଧମକ ଦେଇଥିଲା। ପରେ ପାଖ ମନ୍ଦିରରେ ବାହା ହୋଇ ବାଙ୍ଗାଲୁରୁ ନେବ ବୋଲି କହିଥିଲା।”