ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର(ଓଡ଼ିଶା ରିପୋର୍ଟର): କୋରାପୁଟ ଜିଲ୍ଲା କୁନ୍ଦୁଲି ନାବାଳିକା ଗଣବଳାତ୍କାର ମାମଲା ଦିନକୁ ଦିନ ଜଟିଳ ହେବାରେ ଲାଗିଛି। ଆଜି ଏହି ମାମଲାକୁ ଅହୁରି ଗୋଳିଆ କରିଛନ୍ତି ବିଜେଡି ନେତା ବିଷ୍ଣୁ ଦାସ। ଏସ୍‌ଓଜିଙ୍କ ସମ୍ପୃକ୍ତି ନେଇ ଆଜି ବିଷ୍ଣୁଙ୍କ ମନ୍ତବ୍ୟ ପରେ ମୁଖ୍ୟମନ୍ତ୍ରୀଙ୍କୁ ସିଧାସଳଖ ଆକ୍ରମଣ କରିଛି ବିଜେପି। ଏକ ପ୍ରେସମିଟ୍‌ରେ ବିଜେପି କହିଛି, କୁନ୍ଦୁଲି ଗଣବଳାତ୍କାରୀ କେବେ ଗିରଫ ହେବେ ମୁଖ୍ୟମନ୍ତ୍ରୀ ସ୍ପଷ୍ଟ କରନ୍ତୁ?</p> <p>ଆଜି ଭୁବନେଶ୍ୱରରେ ଆୟୋଜିତ ଏକ ସାମ୍ୱାଦିକ ସମ୍ମିଳନୀରେ ବିଜେଡି ଦଳିତ ମୋର୍ଚ୍ଚା ସଭାପତି ବିଷ୍ଣୁ ଦାସ ଏହି ମାମଲାରେ ରାଜ୍ୟ ସରକାରଙ୍କ ଏସ୍‌ଓଜି ବାହିନୀ ପ୍ରତି ଅଙ୍ଗୁଳି ନିର୍ଦ୍ଦେଶ କରିଛନ୍ତି। କ୍ରାଇମବ୍ରାଞ୍ଚ ଏଡିଜି ତଦନ୍ତ କଲେ ଘଟଣା ଉପରୁ ପରଦା ହଟିପାରିବ ବୋଲି ବିଷ୍ଣୁ କହିଛନ୍ତି।</p> <p>ବିଷ୍ଣୁଙ୍କ ମନ୍ତବ୍ୟ ପରେ ବିଜେପି ସିଧାସଳଖ ନବୀନ ପଟ୍ଟନାୟକଙ୍କୁ ଟାର୍ଗେଟ କରିଛି। ଏହାସହ ପୋଲିସର ତଦନ୍ତକୁ ନେଇ ମଧ୍ୟ ପ୍ରଶ୍ନ ଉଠାଇଛି। ବିଜେପି ଦଳିତ ମୋର୍ଚ୍ଚା ପ୍ରଭାରୀ ଦିଲୀପ ମଲ୍ଲିକ ଏକ ସାମ୍ୱାଦିକ ସମ୍ମିଳନୀରେ କହିଛନ୍ତି-“ଏହି ଘଟଣାରେ ପୋଲିସ କିମ୍ୱା ମାଓବାଦୀଙ୍କ ହାତ ନଥିବା ପୂର୍ବରୁ ଡିଜିପି କହିଥିବା ବେଳେ ଏବେ ବିଷ୍ଣୁ ଏସ୍‌ଓଜିଙ୍କ ସମ୍ପୃକ୍ତି ଥିବା କହିଛନ୍ତି। ଏହା ସ୍ପଷ୍ଟ କରୁଛି ଏହି ଘଟଣାରେ ଏସ୍‌ଓଜିଙ୍କ ସମ୍ପୃକ୍ତି ରହିଛି। ଏବେ ମୁଖ୍ୟମନ୍ତ୍ରୀ ସ୍ପଷ୍ଟ କରନ୍ତୁ ଅଭିଯୁକ୍ତ କେବେ ଧରାଯିବ।”</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
