ଭୁବନେଶ୍ୱର: ନାବାଳିକାଙ୍କୁ କାଷ୍ଟିଂ କାଉଚ୍ ମାମଲାରେ ଅଭିନେତା ପପୁ ପମ୍ପମ୍ଙ୍କ ଭୁବନେଶ୍ୱର ସ୍ଥିତ ଜଗନ୍ନାଥବିହାର ଘରେ ଗତକାଲି ରାତିରେ ମହିଳା ଥାନା ପୋଲିସ୍ ନୋଟିସ୍ ଲଗାଇଛି। ଜୁଲାଇ ୭ ତାରିଖରେ ଥାନାରେ ହାଜର ହୋଇ ତଦନ୍ତରେ ସହଯୋଗ କରିବାକୁ କୁହାଯାଇଛି। ଭାରତୀୟ ଦଣ୍ଡବିଧି ଆଇନର ୪୧-କ ଧାରା ଅନୁଯାୟୀ ଏହି ନୋଟିସ୍ ଲଗାଯାଇଛି। ନୋଟିସ୍ରେ ପପୁଙ୍କ ବିରୋଧରେ ହୋଇଥିବା ମକଦ୍ଦମା ସମ୍ପର୍କରେ ଉଲ୍ଲେଖ କରାଯାଇଛି।
ପପୁଙ୍କୁ ଧରିବା ପାଇଁ କମିଶନରେଟ୍ ପୋଲିସ୍ର ଏକ ସ୍ୱତନ୍ତ୍ର ଟିମ୍ ଗଠନ କରାଯାଇଛି। ଜୋନ୍-୧ ଏସିପିଙ୍କ ନେତୃତ୍ୱରେ ଗଠିତ ଏହି ଟିମ୍ ରାଜ୍ୟର ବିଭିନ୍ନ ସ୍ଥାନରେ ଚଢ଼ଉ ଜାରି ରଖିଛି।
ପପୁଙ୍କ ସହଯୋଗୀ ପ୍ରଦୀପ ସ୍ୱାଇଁଙ୍କ ଘରେ ମଧ୍ୟ ନୋଟିସ୍ ଲଗାଯାଇଥିବା ଡିସିପି ସତ୍ୟବ୍ରତ ଭୋଇ ସୂଚନା ଦେଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।