ଭୁବନେଶ୍ୱର: ଫିଲ୍ମରେ ଅଭିନୟ ପାଇଁ ସୁଯୋଗ ଦେବା ନାଁରେ କାଷ୍ଟିଂ କାଉଚ ଅଭିଯୋଗ ମାମଲାରେ ଆଜିଠୁ ଆରମ୍ଭ ହେବ ଓଲିଉଡ୍ ଅଭିନେତା ପପୁ ପମପମଙ୍କ ମାମଲାର ଶୁଣାଣି। ଭୁବନେଶ୍ୱର ପୋକ୍ସୋ କୋର୍ଟରେ ଏହି ଶୁଣାଣି କରାଯିବ। ପ୍ରଥମ ପର୍ଯ୍ୟାୟରେ ହାଜର ହେବା ପାଇଁ ୪ ଜଣଙ୍କୁ ସମନ କରାଯାଇଛି। ନାବାଳିକା ସହ ତାଙ୍କ ପିତାମାତା ଓ ଅଭିଯୋଗ ଆଣିଥିବା ସିଡବ୍ଲୁସି ସଦସ୍ୟା ନିରୂପମା ରଥଙ୍କୁ ସମନ କରାଯାଇଛି।
ନାବାଳିକା ଓ ତାଙ୍କ ବାପା ମାଆ ପୂର୍ବ ଘର ଛାଡ଼ି ଦେଇଥିବାରୁ ସେମାନଙ୍କୁ ସମନ ମିଳି ପାରି ନାହିଁ। ଗତବର୍ଷ ଏହି ଘଟଣା ସାରା ରାଜ୍ୟରେ ହଇଚଇ ସୃଷ୍ଟି କରିଥିଲା। ଏହି ମାମଲାରେ ପପୁ ପମପମ୍ ଓ ତାଙ୍କ ସହଯୋଗୀ ଗିରଫ ହୋଇଥିବା ବେଳେ ଏବେ ହାଇକୋର୍ଟରୁ ଜାମିନରେ ଅଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।