ଭୁବନେଶ୍ୱର: ପ୍ରଧାନମନ୍ତ୍ରୀଙ୍କୁ ପୁଣି ଚିଠି ଲେଖିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଓଡ଼ିଶା ପାଇଁ ମନରେଗା ମଜୁରୀ ବୃଦ୍ଧି କରିବାକୁ ନବୀନ ଦାବି କରିଛନ୍ତି। ଓଡ଼ିଶା ପାଇଁ ମଜୁରୀ ୧୭୪ ଟଙ୍କା ଧାର୍ଯ୍ୟ କରାଯାଇଛି। ଏହାକୁ ବୃଦ୍ଧି କରି ୨ଶହ ଟଙ୍କା କରିବାକୁ ମୁଖ୍ୟମନ୍ତ୍ରୀ ଚିଠିରେ ଲେଖିଛନ୍ତି। ଏଥିସହ ଚିଠିରେ ନବୀନ ମରୁଡ଼ି ସ୍ଥିତି ଏବଂ ରାଜ୍ୟ ସରକାର ନେଇଥିବା ପଦକ୍ଷେପ ସଂପର୍କରେ ଲେଖିଛନ୍ତି। ମରୁଡ଼ି ପ୍ରଭାବିତ ବ୍ଲକରେ ମନରେଗା କାମ ଆଉ ୫୦ ଦିନ ବୃଦ୍ଧି କରାଯାଇଥିବା ମୁଖ୍ୟମନ୍ତ୍ରୀ ଜଣାଇଛନ୍ତି। ଅତିରିକ୍ତ ୫୦ଦିନର ଖର୍ଚ୍ଚ ସରକାର ବହନ କରିବେ। ମଜୁରୀର ୩୦ପ୍ରତିଶତ ଅତିରିକ୍ତ ମରୁଡ଼ି ସହାୟତା ଭାବେ ମିଳିବ। ଲୋକଙ୍କୁ ମଜୁରୀ ବାବଦକୁ ୧୭୪ଟଙ୍କ। ଏବଂ ସହାୟତା ୫୨ଟଙ୍କା ସହ ମୋଟ ୨୨୬ ଟଙ୍କା ମିଳିବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।