ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>କେନ୍ଦ୍ରାପଡ଼ା(ଓଡ଼ିଶା ରିପୋର୍ଟର): କେନ୍ଦ୍ରାପଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟରେ ନବଜାତ ଶିଶୁ ପୁତ୍ର ଅଦଳବଦଳ ହୋଇଥିବା ଅଭିଯୋଗ ହୋଇଛି। ଏହି ଅଭିଯୋଗ ଆଣିଛନ୍ତି ଜିଲ୍ଲାର ଗରଦପୁର ବ୍ଲକ ଅନ୍ତର୍ଗତ ବଡ଼ବେତରା ଗାଁର ପ୍ରସୂତି ପ୍ରଭାତି ମହାପାତ୍ର।</p> <p>ଅଭିଯୋଗ ଅନୁଯାୟୀ, ପ୍ରଭାତିଙ୍କର ପ୍ରସବ ପାଇଁ ପରିବାର ଲୋକ କେନ୍ଦ୍ରାପଡ଼ା ମୁଖ୍ୟ ଚିକିତ୍ସାଳୟକୁ ଆଣିଥିଲେ। ସେଠାରେ ତାଙ୍କୁ ଅପରେସନ ପାଇଁ ଲେବର ରୁମ୍‌କୁ ନିଆଯାଇଥିଲା। ତାଙ୍କୁ ନେବା ଲେବର ରୁମ୍‌କୁ ନେବା ପୂର୍ବରୁ ସେଠାରେ ଜଣେ ନବଜାତ ଶିଶୁକନ୍ୟାକୁ ରଖାଯାଇଥିଲା। ତେବେ ଅପରେସନ୍ ପରେ ତାଙ୍କର ପୁଅ ହେଲାକି ଝିଅ ହେଲା ଡାକ୍ତରଖାନା ପକ୍ଷରୁ କୌଣସି ସୂଚନା ଦିଆଯାଇ ନ ଥିଲା। ତାଙ୍କୁ ଗୋଟିଏ ଶିଶୁକନ୍ୟାକୁ ଦିଆଯାଇଥିଲା। ପ୍ରଭାତିଙ୍କ ସହ ଲେବର୍ ରୁମରେ ଥିବା ଅନ୍ୟ ପ୍ରସୂତି ଶୁଭସ୍ମିତା ନାୟକଙ୍କ ଶିଶୁଙ୍କ ସହ ତାଙ୍କ ଶିଶୁକୁ ଅଦଳବଦଳ କରାଯାଇଥିବା ପ୍ରଭାତି ଅଭିଯୋଗ କରିଛନ୍ତି। ତାଙ୍କୁ ଦିଆଯାଇଥିବା ଶିଶୁକନ୍ୟାଟିକୁ ପରିବାର ଲୋକେ ଗ୍ରହଣ କରିବାକୁ ପ୍ରସ୍ତୁତ ନାହାଁନ୍ତି। ପରିବାର ପକ୍ଷରୁ ଡିଏନ୍ଏ ଟେଷ୍ଟ ଦାବି କରିଛନ୍ତି।</p> <p>ଶୁଭସ୍ମିତା ଏହି ଅଭିଯୋଗକୁ ଖଣ୍ଡନ କରିଛନ୍ତି। ତାଙ୍କର ଗୋଟିଏ ପୁଅ ହୋଇଥିଲା ବୋଲି କହିଛନ୍ତି।</p> <p>ଏନେଇ ଟାଉନ୍ ଥାନା ଏବଂ ମେଡ଼ିକାଲ କର୍ତ୍ତୃପକ୍ଷଙ୍କ ନିକଟରେ ଅଭିଯୋଗ କରିଛନ୍ତି ପ୍ରଭାତି। ତେବେ କେନ୍ଦ୍ରାପଡ଼ା ସିଡିଏମ୍ଓ ଏନେଇ ପ୍ରତିକ୍ରିୟା ଦେବାକୁ ମନା କରିଦେଇଛନ୍ତି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
