ଶୁଣିଲେନି ସରକାର: କୁଳବେଉସା ବଞ୍ଚେଇବାକୁ ୨ କିମି ନଦୀ ଖୋଳିଲେ ମତ୍ସ୍ୟଜୀବୀ

<p>ସୋର (ଓଡ଼ିଶା ରିପୋର୍ଟର): ନଦୀ ମୁହାଣ ପୋତି ହୋଇଯାଇଛି। ସମୁଦ୍ର ଜୁଆର ନଦୀକୁ ଆସିପାରୁନାହିଁ। ମାଛ ମାରିବା ଏକ ପ୍ରକାର ଠପ୍&zwnj; ହୋଇଯାଇଛି। ରୋଜଗାର ଚାଲିଯାଇଛି। ଏପରି ସ୍ଥିତିରେ ବାଲେଶ୍ୱର ଜିଲ୍ଲା ବାହାନଗା ବ୍ଲକର ୫ଟି ଗାଁର ମତ୍ସ୍ୟଜୀବୀ ଜୀବନମରଣ ସହ ସଂଗ୍ରାମ କରୁଛନ୍ତି। ନଦୀ ମୁହାଣ ଖୋଳିବାକୁ ବାରମ୍ବାର ଦାବି ଜଣାଇଛନ୍ତି। ମନ୍ତ୍ରୀଙ୍କଠାରୁ ଆରମ୍ଭ କରି ପ୍ରଶାସନିକ ଅଧିକାରୀ ପର୍ଯ୍ୟନ୍ତ ସମସ୍ତଙ୍କୁ ଗୁହାରୀ କରି ନିରାଶ ହୋଇଛନ୍ତି। ଶେଷରେ ପିଲା ଛୁଆଙ୍କ ପେଟକୁ ଦାନା ଦେବା ପାଇଁ କୋଦାଳ ଧରି ବାହାରି ପଡିଛନ୍ତି ନଦୀ ଖୋଳିବାକୁ। ହଜାରେ ସଂଖ୍ୟାରେ ଲୋକେ ଏପରି ନଦୀ ଖୋଳିବାର ଦୃଶ୍ୟ ସରକାରୀ ଅଧିକାରୀଙ୍କ ଅପାରଗତାକୁ ପଦାରେ ପକାଇଛି।<br />ବାହାନଗା ବ୍ଲକ ଦେଇ ଯାଇଛି ପଞ୍ଚଦିଶା ନଦୀ। ନଦୀ କୂଳେ କୂଳେ ବାସ କରୁଥିବା ୫ଟି ଗାଁର ଲୋକେ ଏହି ନଦୀ ଦେଇ ସମୁଦ୍ରକୁ ମାଛ ମାରିବାକୁ ଯାଇଥାନ୍ତି। ଏଥିରେ ସେମାନଙ୍କ ପରିବାର ଚଳେ। ଦୀର୍ଘ ୫୦ ବର୍ଷ ହେଲା ଏହି ନଦୀ ସେମାନଙ୍କ ଜୀବନ ଜୀବିକା ସହ ଜୋଡି ହୋଇ ରହିଛି। ହେଲେ କିଛିବର୍ଷ ହେବ ନଦୀ ପୋତି ହେବାରେ ଲାଗିଛି। ଚିଙ୍ଗୁଡି ଚାଷ ପାଇଁ ଏପରି ସ୍ଥିତି ଉପୁଜିଛି।</p><p>ନଦୀ ପୋତି ହୋଇ ଯାଇଥିବାରୁ ପୂର୍ଣ୍ଣିମା ଓ ଅମାବାସ୍ୟା ୪ ଦିନ ଛାଡି ଦେଲେ ବାକି ୨୬ ଦିନ ସମୁଦ୍ର ଜୁଆର ନଦୀକୁ ଆସୁନାହିଁ। ଫଳରେ ଏହି ମତ୍ସ୍ୟଜୀବୀ ପରିବାରଙ୍କୁ ମାସକୁ ମାତ୍ର ୪ ଦିନ ସମୁଦ୍ରକୁ ଯାଇ ମାଛ ମାରିବାର ସୁଯୋଗ ମିଳୁଛି। ଏପରି ସ୍ଥିତିରେ ସେମାନଙ୍କ ପକ୍ଷେ ଗୁଜୁରାଣ ମେଣ୍ଟାଇବା କଷ୍ଟକର ହୋଇପଡୁଛି। ନଦୀ ଖୋଳିବା ଲାଗି ମନ୍ତ୍ରୀ, ବିଧାୟକ, ଜିଲ୍ଲା ପ୍ରଶାସନ ସମସ୍ତଙ୍କୁ ଗୁହାରି କରିଛନ୍ତି। ସବୁଠି ନିରାଶ ହେବା ପରେ ପିଲାଛୁଆଙ୍କ ପେଟକୁ ଦାନା ଦେବାକୁ ନିଜେ ହିଁ କିଛି କରିବାକୁ ନିଷ୍ପତ୍ତି ନେଇଥିଲେ। ଆଜି ୧୦୦୦ରୁ ଅଧିକ ମତ୍ସ୍ୟଜୀବୀ ହାତରେ କୋଦାଳ ଧରି ନଦୀ ମଧ୍ୟକୁ ପଶି ଯାଇଥିଲେ। ଲକ୍ଷ୍ୟ ଥିଲା ସରକାର ଓ ପ୍ରଶାସନ ନ ଶୁଣିଲେ ନାହିଁ ଆମେ ନିଜେ ନଦୀଗର୍ଭ ଖୋଳି ଜୁଆର ଆସିବାକୁ ବାଟ କରିବା। କିଛି ମାତ୍ରାରେ ଏମାନେ ସକ୍ଷମ ହୋଇଛନ୍ତି। ନଦୀର ଉଚ୍ଚ ସ୍ଥାନକୁ ପ୍ରାୟ ୨ କିମି ଖୋଳି ଜୁଆର ଆସିବାକୁ ବାଟ କରିଛନ୍ତି। ଏମାନଙ୍କ ଉଦ୍ୟମ କେତେଦୂର ସଫଲ ହେବ ତାହା ଆଗାମୀ ଦିନରେ ଜଣାପଡିବ। ଯଦି ଏହି ଅଭିଯାନ ସଫଳ ନ ହୁଏ ତେବେ ଆଗକୁ ଆନ୍ଦୋଳନ କରାଯିବ ବ୍ୟତୀତ ଅନ୍ୟ କୌଣସି ବିକଳ୍ପ ରହିବ ନାହିଁ ବୋଲି ଏମାନେ ଚେତାବନୀ ଦେଇଛନ୍ତି।<br />&lsquo;ମଞ୍ଚଦିଶା ମତ୍ସ୍ୟଜୀବୀ ସଂଘ&rsquo; ସଦସ୍ୟ ନିରଞ୍ଜନ ମାଝି କହିଛନ୍ତି- &ldquo;୫୦ ବର୍ଷ ହେଲା ୧୦୦ ଖଣ୍ଡ ଡଙ୍ଗାରେ ଆମେ ମାଛ ମାରୁଛୁ। ଚିଙ୍ଗୁଡି ଚାଷ ଯୋଗୁଁ ମୁହାଣ ପୋତି ହୋଇଯାଇଛି। ଫଳରେ ଆମେ ମାଛ ମାରିପାରୁନାହୁଁ। ଜେସିବି ଲଗାଇ ନଦୀ ଖୋଳିଥିଲୁ ଏଥିରେ ସଫଳ ନ ହେବାରୁ ଏବେ କୋଦାଳରେ ନଦୀର ଉଚ୍ଚା ଅଂଶ ଖୋଳିବାକୁ ଚେଷ୍ଟା କରୁଛୁ। ସରକାରଙ୍କଠାରୁ ଆରମ୍ଭ କରି ବିଭାଗୀୟ ଅଧିକାରୀ ସମସ୍ତଙ୍କୁ ଆମ ଦାବି ଜଣାଇଛୁ। ହେଲେ କେହି ଆମ କଥା ଶୁଣୁନାହାନ୍ତି।&rdquo;</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।