ଇବ୍‌ ନଦୀରେ ବନ୍ୟା: ସୁନ୍ଦରଗଡ଼ରେ ପଶିଲା ପାଣି

ସୁନ୍ଦରଗଡ଼: ଛତିଶଗଡ଼ରେ ଲଣାଣ ବର୍ଷା ଯୋଗୁଁ ଇବ୍ ନଦୀରେ ବନ୍ୟା ଆସିଛି। ଫଳରେ ସୁନ୍ଦରଗଡ଼ ସହରରେ ବନ୍ୟା ପାଣି ପଶିଛି।  ନଦୀ କୂଳରେ ଥିବା ରାଣୀବଗିଚା ଓ ମହାଦେବପଡ଼ାର ଅନେକ ଅଞ୍ଚଳ ଜଳମଗ୍ନ ହୋଇଛି।  ଘରେ ପାଣି ପଶିଯିବାରୁ ଲୋକମାନେ ଘର ଛାଡ଼ି ସୁରକ୍ଷିତ ସ୍ଥାନକୁ ଚାଲି ଯାଇଛନ୍ତି। ଅନେକ ସ୍ଥାନରେ ପିଏଚଡି ପମ୍ପ ହାଉସ ଓ ୱାଟର ଟ୍ରିଟମେଣ୍ଟ ପ୍ଲାଣ୍ଟ  ପାଣି ଘେରରେ ଥିବାରୁ ସହରକୁ ଜଳ ଯୋଗାଣ ବାଧାପ୍ରାପ୍ତ ହୋଇଛି।

ସୁନ୍ଦରଗଡ଼ ସଦର ବିଧାୟକ ଯୋଗେଶ ସିଂ ଓ ନଗରପାଳ ବେଣୁଧର ତାଣ୍ଡିଆ ସ୍ଥିତି ଅନୁଧ୍ୟାନ କରିବା ସହ ରିଲିଫ ସାମଗ୍ରୀ ଯୋଗାଣ ଉପରେ ଗୁରୁତ୍ୱ ଦେଇଛନ୍ତି।