ନିଶାସକ୍ତ ବିଦେଶିନୀଙ୍କ ଉନ୍ନତ୍ତକାଣ୍ଡ, କାବୁ କରିବାକୁ ପୋଲିସ୍‌ ନାକେଦମ୍‌

ଭୁବନେଶ୍ୱର: ଭୁବନେଶ୍ୱରରେ ବିଦେଶିନୀଙ୍କ ଉନ୍ମତ୍ତକାଣ୍ଡ। ରେଳ ଷ୍ଟେସନ ନିକଟରୁ ନିଶାସକ୍ତ ଅବସ୍ଥାରେ ଉଦ୍ଧାର କରିବା ପରେ ତାଙ୍କୁ ଗିରଫ କରିଛି ଖାରବେଳ ନଗର ପୋଲିସ୍। ଉଦ୍ଧାର କରାଯିବା ବେଳେ ପୋଲିସ୍‌ ସହିତ ପ୍ରବଳ ଯୁକ୍ତିତର୍କ କରିଥିଲେ ସଂପୃକ୍ତ ବିଦେଶୀ ଯୁବତୀ। ନିଶାସକ୍ତ ବିଦେଶିନୀଙ୍କୁ କାବୁ କରିବା ବେଳେ ପୋଲିସକୁ ନାକେଦମ୍ ହେବା ବେଳର ଦୃଶ୍ୟ କ୍ୟାମେରାରେ କଏଦ ହୋଇଛି।

ପୋଲିସ୍‌କୁ ମାଡ଼ ମାରିବା ଓ ଦୁର୍ବ୍ୟବହାର କରିବା ଅଭିଯୋଗରେ ତାଙ୍କୁ ଗିରଫ କରାଯାଇଛି। ତାଙ୍କର ପ୍ରକୃତ ପରିଚୟ ମିଳିନି। ତାଙ୍କ ନିକଟରୁ ଏକ ଆଧାର କାର୍ଡ ମିଳିଛି। ସେଥିରେ ଦୁନିୟା ଖାନ୍ ବୋଲି ଲେଖାଯାଇଛି। ଘର ଦିଲ୍ଲୀର ଲଜପତ ନଗର ବୋଲି ଲେଖାଯାଇଛି।

କେଉଁ ଉଦ୍ଦେଶ୍ୟରେ ବିଦେଶିନୀ ଜଣଙ୍କ ଏଠାକୁ ଆସିଥିଲେ ତାହା ଜଣାପଡ଼ିନି। ଦେହ ବ୍ୟବସାୟ ପାଇଁ ତାଙ୍କୁ ଅଣାଯାଇଥିବା ସନ୍ଦେହ କରାଯାଉଛି। କିଏ ତାଙ୍କୁ ଏଠାକୁ ଆଣିଥିଲା ତା’ର ଖୋଳତାଡ଼ କରୁଛି ଖାରବେଳ ନଗର ପୋଲିସ୍।