ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର(ଓଡ଼ିଶା ରିପୋର୍ଟର): ମନେରେଗାରେ କାମ କରିଥିବା ଶ୍ରମିକଙ୍କୁ ପାରିଶ୍ରମିକ ଦିଅ। ନଚେତ୍ ଆମକୁ ଦେଇ ପାଇଁ ଅନୁମତି ଦିଅ। କେନ୍ଦ୍ର ପାଖରେ ଏହି ଦୁଇଟି ଦାବି ରଖିଛନ୍ତି ରାଜ୍ୟ ସରକାର। କାମ କରି ପାଉଣା ପାଇଁ ଅପେକ୍ଷା କରିଥିବା ଶ୍ରମିକଙ୍କ ଆକାଉଣ୍ଟକୁ ଦୁଇ ମାସ ହେବ ମନେରେଗାରେ ଟଙ୍କା ପଇଠ କରିନି କେନ୍ଦ୍ର। ବକେୟା ପଡିଛି ୬୫୦ କୋଟି ଟଙ୍କା। କେନ୍ଦ୍ର ଟଙ୍କା ନ ଦେବାକୁ ନେଇ କାଦୁଅଫିଙ୍ଗା ରାଜନୀତି ଆରମ୍ଭ ହୋଇଛି।</p> <p>ଗତବର୍ଷ ମେ’ ୧୯ ତାରିଖରେ କୋରାପୁଟ ଜିଲ୍ଲା ଲମତାପୁଟ ବ୍ଲକ ଉମ୍ବେଲ ଗାଁରେ ମନେରେଗାରେ କୂଅ ଖନନ କରାଯାଇଥିଲା। ପ୍ରତି କୂଅ ପିଛା ୧ ଲକ୍ଷ ୨୦ ହଜାର ଟଙ୍କା ଆସିଥିଲା। ଏହି କାମରେ ୧୦୦ରୁ ଅଧିକ ଶ୍ରମିକ ନିୟୋଜିତ ହୋଇଥିଲେ। ମାତ୍ର କୂଅ ଖୋଳା ସରିଥିଲେ ମଧ୍ୟ ଶ୍ରମିକମାନେ ମଜୁରି ବାବାଦକୁ ଏଯାଏଁ ପୁରା ଟଙ୍କା ପାଇନାହାଁନ୍ତି। ସେହିପରି ଦେବବଗଡ଼ ଜିଲ୍ଲା ବାରକୋଟର ଅସନନାଳୀ ଗାଁରେ ମଧ୍ୟ ସମସ୍ୟା ସମାନ। ଏଠି ୨ ମାସ ହେବ କାମ କରି ପାଉଣା ପାଇବାରୁ ବଞ୍ଚିତ ହୋଇଛନ୍ତି ଶ୍ରମିକ।</p> <p>ମନେରେଗାରେ କେନ୍ଦ୍ର ସରକାର ଡିସେମ୍ବର ସୁଦ୍ଧା ଓଡ଼ିଶାକୁ ଦେବା କଥା ୨୩ ଶହ କୋଟି ଟଙ୍କା। ତେବେ ବର୍ତ୍ତମାନ ସୁଦ୍ଧା ବକେୟା ପଡ଼ିରହିଛି ୬୫୦ କୋଟି ଟଙ୍କା। ମଜୁରି ମିଳୁନଥିବାରୁ ଶ୍ରମିକମାନେ କାମ କରିବା ପାଇଁ ଆଗ୍ରହ ପ୍ରକାଶ କରୁନାହାଁନ୍ତି ବୋଲି କହିଛନ୍ତି ପଞ୍ଚାୟତିରାଜ ବିଭାଗ ସଚିବ। ସେଦୃଷ୍ଟିରୁ ରାଜ୍ୟ ସରକାର କେନ୍ଦ୍ର ପାଖରେ ୨ ଟି ଦାବି ରଖିଛନ୍ତି। ତୁରନ୍ତ ବକେୟା ୬୫୦ କୋଟି ପୈଠ କର, ନହେଲେ ପୂର୍ବରୁ ଥିବା ଇଏଫଏମ୍‌ଏସ୍‌ ମାଧ୍ୟମରେ ରାଜ୍ୟକୁ ପାଉଣା ଦେବାକୁ ଅଧିକାର ଦିଅ। ରାଜ୍ୟ ଏଥିପାଇଁ ୩୦୦ କୋଟି ଟଙ୍କାର କର୍ପସ ଫଣ୍ଡ ଗଠନ କରିଥିବେ ପଞ୍ଚାୟତି ରାଜ ସଚିବ ଦେଓ ରଂଜନ ସିଂ କହିଛନ୍ତି।</p> <p>ଏପଟେ ରାଜ୍ୟର ବକେୟା ପାଉଣକୁ ନେଇ ଟଣାଓଟରା ଆରମ୍ଭ ହୋଇଛି। ଟଙ୍କା ନ ଦେଇ କେନ୍ଦ୍ର ଶ୍ରମିକଙ୍କ ପେଟକୁ ନାତ ମାରୁଛି ବୋଲି ବିଜେଡି ଅଭିଯୋଗ କରିଛି। ବିଜେପି ପାଲଟା ଅଭିଯୋଗ କରି କହିଛି ଟଙ୍କା ଆସୁଛି, ହେଲେ ରାଜ୍ୟ ସରକାର ଖର୍ଚ୍ଚ କରିପାରୁନାହାନ୍ତି କି ଶ୍ରମିକଙ୍କୁ କାମ ଦେଇପାରୁନାହାନ୍ତି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
