ଏବେବି ସରିନି କାହାଣୀ…

<p>ନୂଆଦିଲ୍ଲୀ/ଭୁବନେଶ୍ୱର (ଓଡ଼ିଶା ରିପୋର୍ଟର): ନୂଆଦିଲ୍ଲୀ ଏମ୍ସ ଡାକ୍ତରଙ୍କ ଅକ୍ଲାନ୍ତ ଉଦ୍ୟମ, ଶୁଭେଚ୍ଛୁଙ୍କ ପ୍ରାର୍ଥନା ସାର୍ଥକ ହୋଇଛି। ପରସ୍ପରଠାରୁ ଅଲଗା ହୋଇଛନ୍ତି କନ୍ଧମାଳର ଯୋଡାମୁଣ୍ଡ ଶିଶୁ ଜଗା-କାଳିଆ। ୧୮ ଘଣ୍ଟାର ଅପରେସନ ପରେ ସ୍ୱତନ୍ତ୍ର ଡାକ୍ତରୀ ଟିମ୍ ଜଗା-କାଳିଆଙ୍କୁ ଅଲଗା କରିବାରେ ସଫଳ ହୋଇଛନ୍ତି। ତେବେ ଡାକ୍ତରଙ୍କ କହିବା ଅନୁଯାୟୀ କାହାଣୀର ପରିସମାପ୍ତି ଘଟିନାହିଁ। ଆଗାମୀ ସମୟ ଉଭୟଙ୍କ ପାଇଁ ବେଶ୍ ଗୁରୁତ୍ୱପୂର୍ଣ୍ଣ ରହିବ। ଜଗା-କାଳିଆଙ୍କୁ ଏବେ ଭେଣ୍ଟିଲେଟରରେ ରଖାଯାଇଛି। ନିଶ୍ଚେତକ ମାତ୍ରା କମ୍ ହେବା ସହ ସେମାନଙ୍କ ଚେତା ଫେରିବ। ସେହି ସମୟରେ ସେମାନଙ୍କ ଅବସ୍ଥା କ&rsquo;ଣ ରହୁଛି, ତାହା ବେଶ୍ ଗୁରୁତ୍ୱପୂର୍ଣ୍ଣ।</p><p>&lt;a href=&quot;&quot;&gt;(image) &lt;/a&gt;ଏମ୍&zwnj;ସ ନିର୍ଦ୍ଦେଶକ ରଣଦୀପ ଗୁଲେରିଆ କହିଛନ୍ତି-&ldquo;ଗତକାଲି ସେମାନଙ୍କୁ ଅଲଗା କରାଯାଇଥିଲା। ଏବେ ମଧ୍ୟ ସେମାନଙ୍କ ସ୍ୱାସ୍ଥ୍ୟ ଅବସ୍ଥା ଜଟିଳ ରହିଛି। ସେମାନଙ୍କୁ ଏବେ ଭେଣ୍ଟିଲେଟରରେ ରଖାଯାଇଛି। ସେମାନଙ୍କ ଚେତା ଫେରିବା ପରେ ସ୍ୱାସ୍ଥ୍ୟ ଅବସ୍ଥା କେମିତି ରହିବ, ତାହା ଜଣାପଡ଼ିବ। ଆଗାମୀ ଦିନ ଆମ ପାଇଁ ଆହୁରି ଜଟିଳ ରହିବ।&rdquo;</p><p>ନ୍ୟୁରୋ ବିଶେଷଜ୍ଞ ପ୍ରଫେସର ଏସ.ଏସ. କାଲେ କହିଛନ୍ତି-&ldquo;କାହାଣୀର ପରିସମାପ୍ତ ଘଟିନାହିଁ। ଏତିକି ଅପରେସନ୍&zwnj;ରେ ଖୁସି ହେବାର ନାହିଁ। ଆଗାମୀ ସମୟ ଆମ ପାଇଁ କାଠିକର ପାଠ ହେବ।&rdquo;</p><p>ଏମ୍ସ ନ୍ୟୁରୋ ସର୍ଜରୀ ବିଭାଗ ମୁଖ୍ୟ ପ୍ରଫେସର ଅଶୋକ ମହାପାତ୍ର କହିଛନ୍ତି-&ldquo;କାଡିଆକ ଆନାସ୍ତେସିଆ, ନ୍ୟୁରୋ ଆନାସ୍ତେସିଆ, କ୍ରିଟିକାଲ କେୟାର ଟିମ୍&zwnj;, ବ୍ଲାଡ଼ ବ୍ୟାଙ୍କ ଡାକ୍ତରଙ୍କ ପାଇଁ ଅପରେସନ୍&zwnj; ସୁରୁଖୁରୁରେ ସାରିଛି। ଅପରେସନ୍&zwnj; ପର୍ଯ୍ୟାୟକ୍ରମେ କରାଗଲା। ୧୮ ଘଣ୍ଟାର ଅପରେସନ୍&zwnj; ପରେ ସେମାନଙ୍କୁ ଆଇସିୟୁକୁ ନିଆଯାଇଥିଲା।&rdquo;</p><p>&lt;span style=&quot;color: #ff0000;&quot;&gt;ଜଗା-କାଳିଆଙ୍କ ଆରୋଗ୍ୟ କାମନା କରି ପ୍ରାର୍ଥନା&lt;/span&gt;</p><p>ଜଗା-କାଳିଆଙ୍କ ଆଶୁ ଆରୋଗ୍ୟ କାମନା କରି ପୂଜାର୍ଚ୍ଚନା ଚାଲିଛି। ପୁରୀରେ ଶୁଭେଚ୍ଛୁ ଦୀପଦାନ କରି ମହାପ୍ରଭୁ ଜଗନ୍ନାଥଙ୍କ ନିକଟରେ ଗୁହାରୀ ଜଣାଇଛନ୍ତି। ବ୍ରହ୍ମପୁରରେ ମଧ୍ୟ ଶୁଭେଚ୍ଛୁମାନେ ଜଗନ୍ନାଥ ମନ୍ଦିରରେ ଦୀପଦାନ କରିବା ସହ ହନୁମାନ ଚାଳିଶା ଓ ମହାମୃତ୍ୟୁଞ୍ଜୟ ମନ୍ତ୍ର ପାଠ କରିଛନ୍ତି। ଭୁବନେଶ୍ୱରରେ ଛାତ୍ରଛାତ୍ରୀମାନେ ମଧ୍ୟ ଜଗା-କାଳିଆଙ୍କ ଆରୋଗ୍ୟ କାମନା କରି ପ୍ରାର୍ଥନା କରିଛନ୍ତି।</p><p>&lt;span style=&quot;color: #ff0000;&quot;&gt;୪୦ ଜଣିଆ ଡାକ୍ତର କରିଥିଲେ ଅପରେସନ୍&zwnj;&lt;/span&gt;</p><p>ଦିଲ୍ଲୀ ନ୍ୟୁରୋ ସର୍ଜରୀ ବିଭାଗ ମୁଖ୍ୟ ପ୍ରଫେସର ଡାକ୍ତର ଅଶୋକ ମହାପାତ୍ରଙ୍କ ନେତୃତ୍ୱରେ ପ୍ରାୟ ୪୦ ଜଣ ଡାକ୍ତରଙ୍କୁ ନେଇ ଗଠିତ ସ୍ୱତନ୍ତ୍ର ଟିମ୍ ଗତକାଲି ସକାଳ ସାଢ଼େ ୯ଟାରୁ ଅପରେସନ ଆରମ୍ଭ କରିଥିଲେ। ଅପରେସନ ପରେ ରାତି ୮ଟା ୪୫ରେ ପରସ୍ପରଠାରୁ ଅଲଗା ହୋଇଥିଲେ ଜଗା-କାଳିଆ। ପରବର୍ତ୍ତୀ ୪-୫ ଘଣ୍ଟା ଧରି ପ୍ଲାଷ୍ଟିକ୍ ସର୍ଜରୀ ଚାଲିଥିଲା। ୧୮ ଘଣ୍ଟାର ମାରାଥନ ଅସ୍ତ୍ରୋପଚାର ପରେ ଜଗା-କାଳିଆଙ୍କୁ ପୃଥକ୍ କରାଯାଇଥିଲା। ଏହି ପ୍ରକ୍ରିୟା ଅତି ଜଟିଳ ଓ ଚ୍ୟାଲେଞ୍ଜିଂ ଥିଲା ତେବେ ଟିମ୍ ଓ୍ୱାର୍କ ଯୋଗୁଁ ଏଭଳି ଏକ ବିରଳ ଅପରେସନକୁ ସଂପୂର୍ଣ୍ଣ କରାଯାଇପାରିଲା ବୋଲି ଏମ୍ସ ପକ୍ଷରୁ କୁହାଯାଇଛି।</p><p>https://youtu.be/vxju2meoVa0</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।