ପାଦ ଛୁଇଁ ଜୁହାର ହେଲେ ବିଷ୍ଣୁ: ତଥାପି ଖପ୍ପା ନବୀନ, କଥା ନହୋଇ ଫେରାଇଦେଲେ

<p>ଭୁବନେଶ୍ୱର (ଓଡ଼ିଶା ରିପୋର୍ଟର): କୁନ୍ଦୁଲି ଗଣବଳାତ୍କାରେ ୪ ଏସ୍&zwnj;ଓଜି ଯବାନଙ୍କ ସମ୍ପୃକ୍ତି ରହିଛି। ଗତ ସପ୍ତାହରେ ଆୟୋଜିତ &nbsp;ସାମ୍ବାଦିକ ସମ୍ମିଳନୀ ଏପରି ବିବାଦୀୟ ମନ୍ତବ୍ୟ ଦେଇଥିଲେ ବିଜେଡି ଅନୁସୂଚିତ ସେଲ ଅଧ୍ୟକ୍ଷ ବିଷ୍ଣୁ ଦାସ। ଏହାକୁ ନେଇ ରାଜ୍ୟ ରାଜନୀତିରେ ହଇଚଇ ସୃଷ୍ଟି ହୋଇଛି। ବିଭିନ୍ନ ମହଲରୁ ସମାଲୋଚନାରେ ଶିକାର ହୋଇଥିବା ବିଷ୍ଣୁଙ୍କ ଉପରେ ବିଜେଡି ସୁପ୍ରିମୋ ନବୀନ ପଟ୍ଟନାୟକ ଖପ୍ପା ହୋଇଛନ୍ତି।</p><p>ଡକରା ପାଇ ବିଜେଡି ଅନୁସୂଚିତ ସେଲ ଅଧ୍ୟକ୍ଷ ବିଷ୍ଣୁ ଦାସ ଆଜି ନବୀନ ନିବାସ ଯାଇଥିଲେ। ନବୀନ ନିବାସରେ ପହଞ୍ଚି ବିଷ୍ଣୁ ସୁପ୍ରିମୋଙ୍କ ପାଦ ଛୁଇଁ ପ୍ରଣାମ କଲେ। ମାତ୍ର ନବୀନଙ୍କ ମୁହଁରେ ନଥିଲା ଖୁସି। ନବୀନଙ୍କ ମୁହଁରେ ଥିଲା ବିଷ୍ଣୁଙ୍କ ପ୍ରତି ଅସନ୍ତୋଷର ସଂକେତ। ନବୀନଙ୍କ ମୁହଁର ଚିତ୍ର ହିଁ ବୟାନ କରୁଥିଲା ବିଷ୍ଣୁଙ୍କୁ ବେଶ ଦୁଇପଦ କଡ଼ାରେ ଶୁଣାଇ ଥିବେ। ତେବେ ନବୀନ କ&rsquo;ଣ କହିଲେ? ମାତ୍ର ଏନେଇ କିଛି କହିଲେ ନାହିଁ ବିଷ୍ଣୁ। ମୁଖ୍ୟମନ୍ତ୍ରୀ ବ୍ୟସ୍ତ ଥିବାରୁ ଦେଖା କରିପାରିଲି ନାହିଁ। ମାତ୍ର କିଛି ସମୟ ପରେ ଗଣମାଧ୍ୟମଙ୍କ ପ୍ରଶ୍ନରେ ଅଧା ସତ ବାହାରିଗଲା।</p><p>&lt;a href=&quot;&quot;&gt;(image) &lt;/a&gt;ସେ କହିଛନ୍ତି-&ldquo;ଆସିବାରେ ବିଳମ୍ୱ ହେବାରୁ ଦେଖା କରିପାରିଲି ନାହିଁ। ସେଥିପାଇଁ ପ୍ରଣାମ କରି ଯାଉଛି। ପ୍ରଣାମ କଲା ବେଳେ ମୁଖ୍ୟମନ୍ତ୍ରୀ ବିରକ୍ତି ପ୍ରକାଶ ହେବା ସହିତ ବିଳମ୍ୱ ହେଲା କ&rsquo;ଣ ପାଇଁ କହିଥିଲେ? କୁନ୍ଦୁଲି କଥା କିଛି ଉଠି ନାହିଁ। ରିପୋର୍ଟରେ ଯାହା ଦେବା କଥା ଦେଇଛି। ମୁଖ୍ୟମନ୍ତ୍ରୀ ବିଚାର କରିବେ।&rdquo;</p><p>କୁନ୍ଦୁଲି ଗଣବଳାତ୍କାରେ ୪ ଏସ୍&zwnj;ଓଜି ଯବାନଙ୍କ ସମ୍ପୃକ୍ତି ରହିବା ଘଟଣାକୁ ନେଇ ବିବାଦ ଦେଖାଦେଇଥିଲା। ପରେ ବିଷ୍ଣୁ ଏସଓଜିଙ୍କ ନାଁ କହି ନାହାଁନ୍ତି ବୋଲି ସଫେଇ ଦେଇଥିଲେ। ଏପରିକି କୋରାପୁଟ ଏସ୍&zwnj;ପି ଓ ଡିଆଇଜିଙ୍କ ବିରୋଧରେ ଅଭିଯୋଗ ଆଣି ସ୍ଥାନୀୟ ପୋଲିସ୍ ଉପରେ ଭରସା ନାହିଁ ବୋଲି କହିଥିଲେ।</p><p>ବିଜେଡି ମୁଖପାତ୍ର ସମୀର ଦାଶ କହିଛନ୍ତି-&ldquo;ବିଷ୍ଣୁ ଦାସ ଦଳର ସୁପ୍ରିମୋଙ୍କୁ ଦେଖା କରି କଥା ହୋଇଥିବେ। ସେବିଷୟରେ ମୋ ପାଖରେ କିଛି ଖବର ନାହିଁ।&rdquo;</p><p>ବୋଲ ମାନୁ ନଥିବା ବୟସ୍କ ନେତାଙ୍କ ବୟାନଙ୍କୁ ନେଇ ଅଡୁଆରେ ବିଜେଡି ସୁପ୍ରିମୋ। ଦାମଙ୍କ ଅଙ୍ଗନବାଡି ମନ୍ତବ୍ୟ ପରେ&nbsp; ଏବେ ବିଷ୍ଣୁଙ୍କ କୁନ୍ଦୁଲି ରିପୋର୍ଟ ବିଜେଡିର ମୁଣ୍ଡବ୍ୟଥା ବଢାଇଦେଇଛି।</p><p>https://youtu.be/0-NAT-sm6lE</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।