ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର (ଓଡ଼ିଶା ରିପୋର୍ଟର): ବରଗଡ଼ ଜିଲ୍ଲାର ବିଜେପୁରରେ ହେବାକୁ ଯାଉଛି ଉପନିର୍ବାଚନ। ସେଥିପାଇଁ ବିଜେପୁରବାସୀଙ୍କ ମନ ଜିଣିବାକୁ ରାଜ୍ୟ ସରକାର ଗୋଟିଏ ପରେ ଗୋଟିଏ ନୂଆ ପ୍ରକଳ୍ପ ଘୋଷଣା କରିବାରେ ଲାଗିଛନ୍ତି। କିଛିଦିନ ତଳେ ଗଙ୍ଗାଧର ମେହେର ଭୂତଳ ଜଳସେଚନ ପ୍ରକଳ୍ପ ଘୋଷଣା କରାଯାଇଥିଲା। ଆଜି ପୁଣି ବିଜେପୁର ପାଇଁ ଆଉ ଦୁଇଟି ଲୋଭନୀୟ ପ୍ରକଳ୍ପ ଘୋଷଣା କରାଯାଇଛି। ଏଥିରୁ ଜଣାପଡ଼ୁଛି ବିଜେପୁର ଉପନିର୍ବାଚନ ଜିତିବାକୁ ଶାସକ ବିଜେଡି ସବୁ କୌଶଳ ପ୍ରୟୋଗ କରିଦେଇଛି।</p> <p>ବିଜେପୁରକୁ ଏନ୍‌ଏସି ଭାବେ ଘୋଷଣା କରିଛି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ସେହିପରି ବିଜେପୁରରେ ସବ୍ ରେଜିଷ୍ଟ୍ରାର୍ ଅଫିସ୍ ଖୁବଶୀଘ୍ର ଖୋଲିବ। ସବ୍‌ରେଜିଷ୍ଟ୍ରାର ଅଫିସ ଖୋଲିଲେ ୧୧୦ଟି ଗାଁ ଲୋକ ଉପକୃତ ହେବେ। ବିଧାନସଭା ଉପନିର୍ବାଚନ ପୂର୍ବରୁ ରାଜ୍ୟ ସରକାରଙ୍କ ଏହି ଘୋଷଣା ବିରୋଧୀଙ୍କୁ ନିଦ ଉଡାଇ ଦେଇଛି। ଏହା ରାଜ୍ୟସରକାରଙ୍କ ଏକ ଚାଲ ବୋଲି ବିରୋଧୀ ଅଭିଯୋଗ କରିଛନ୍ତି।</p> <p>କଂଗ୍ରେସ ବିଧାୟକ ନବ ଦାସ କହିଛନ୍ତି- “ବିଜେପୁରକୁ ଏନ୍‌ଏସି ଘୋଷଣା କରି ବିଜେଡି ନିର୍ବାଚନ ଜିତିବା ପାଇଁ ଏକ ନୂଆ ଚାଲ୍‌ ଖେଳିଛି। ମାତ୍ର ଏଥିରେ ସଫଳ ହେବ ନାହିଁ। ଆଗାମୀ ଦିନରେ ହେବାକୁ ଥିବା ଉପନିର୍ବାଚନରେ ବିଜେପୁରବାସୀ ବିଜେଡିକୁ ଉଚିତ ଜବାବ ଦେବେ। କଂଗ୍ରେସ ନିଶ୍ଚିତ ବିଜୟଲାଭ କରିବ।”</p> <p>ବିଜେପି ସାଧାରଣ ସମ୍ପାଦକ ପୃଥ୍ୱୀରାଜ ହରିଚନ୍ଦନ କରିଛନ୍ତି-“ମୁଖ୍ୟମନ୍ତ୍ରୀ ନିର୍ବାଚନ ସମୟରେ ଘୋଷଣା କରନ୍ତି। ପରେ ଭୁଲି ଯାଆନ୍ତି। ଠିକ୍‌ ସେମିତି ଆଗକୁ ଉପନିର୍ବାଚନ ଦେଖି ରାଜ୍ୟ ସରକାର ଏନ୍‌ଏସି ଘୋଷଣା କରିଛନ୍ତି। ରାଜ୍ୟ ସରକାର ଏଥିପାଇଁ କୌଣସି ଅର୍ଥ ବ୍ୟବସ୍ଥା ନକରି ମିଥ୍ୟା ଘୋଷଣା କରି ଲୋକଙ୍କୁ ଭୂଆଁ ବୁଲାଉଛନ୍ତି। ବିଜେପୁରବାସୀ ଏହି ମିଥ୍ୟା ଘୋଷଣାକୁ ଗ୍ରହଣ କରିବେ ନାହିଁ। ଆଗାମୀ ଉପନିର୍ବାଚନରେ ବିଜେପୁରବାସୀ ଏହାର ଜବାବ ଦେବେ।”</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
