ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର(ଓଡ଼ିଶା ରିପୋର୍ଟର): ବିମୁଦ୍ରାକରଣର ଏକ ପ୍ରମୁଖ ଉଦ୍ଦେଶ୍ୟ ଥିଲା କ୍ୟାସଲେସ୍ ଟ୍ରାଞ୍ଜେକ୍‌ସନ୍‌ ବା ନଗଦ କାରବାର ହ୍ରାସ କରିବା। ଏଥିପାଇଁ ସରକାର ଅନେକ ପ୍ରୋତ୍ସାହନ ମଧ୍ୟ ଦେଇଥିଲେ। ଆସନ୍ତାକାଲି ନୋଟ୍‌ବନ୍ଦୀକୁ ବର୍ଷେ ପୂରିବାକୁ ଯାଉଥିବା ବେଳେ ରାଜ୍ୟର ପ୍ରଥମ କ୍ୟାସଲେସ୍ ଭିଲେଜ୍ ପୁରୀ ଜିଲ୍ଲା ନୂଆଗାଁର ସ୍ଥିତି ଆଜି ଆସନ୍ତୁ ପରଖିବା।</p> <p>ପୁରୀ ଜିଲ୍ଲା ସତ୍ୟବାଦୀ ବ୍ଲକ ନୂଆଗାଁ। ବିମୁଦ୍ରାକରଣ ପରେ ରାଜ୍ୟର ଏହା ପ୍ରଥମ କ୍ୟାସଲେସ୍‌ ଭିଲେଜ ହୋଇଥିଲା। ତା’ପରେ ପାନ ଦୋକାନ ହେଉ ବା ତେଜରାତି ଦୋକାନ, ଯେଉଁଠି ବି କିଣାକିଣି କଲେ ଗାଁ ଲୋକେ ଇ-ଓ୍ୱାଲେଟ୍ ମାଧ୍ୟମରେ ପେମେଣ୍ଟ କରାଯାଉଥିଲା। ଏଥିପାଇଁ ଏହି ଗାଁ ମଧ୍ୟ ପୁରସ୍କୃତ ହୋଇଥିଲା। ରାତାରାତି ଏହି ଗାଁର ସମଗ୍ର ରାଜ୍ୟରେ ଚର୍ଚ୍ଚାର ପରିସରକୁ ଆସିଥିଲା। ବର୍ଷକ ପରେ କିନ୍ତୁ ଗାଁର ଚିତ୍ର ବଦଳି ଯାଇଛି। କେବଳ କେତେକ ଯୁବକ ଓ ମହିଳା ସ୍ୱୟଂସହାୟକ ଗୋଷ୍ଠୀର ସଦସ୍ୟାମାନେ ଇ-ଓ୍ୱାଲେଟ୍ କିମ୍ବା ଡେବିଟ୍-କ୍ରେଡିଟ୍ କାର୍ଡ ଦ୍ୱାରା କିଣାକିଣି କରୁଛନ୍ତି। ଅନ୍ୟମାନେ ପୂର୍ବଭଳି ନଗଦ ଟଙ୍କା ଦେଇ ଜିନିଷ କିଣୁଛନ୍ତି।</p> <p>ନୂଆଗାଁର ଶ୍ରୀକାନ୍ତ ମିଶ୍ର କହିଛନ୍ତି-“ବିମୁଦ୍ରାକରଣ ସମୟରେ ଆମକୁ ବ୍ୟାଙ୍କ ପକ୍ଷରୁ କାର୍ଡ଼ ଦିଆଯିବ ବୋଲି କୁହାଯାଇଥିଲା। ମାତ୍ର ଆଜି ପର୍ଯ୍ୟନ୍ତ ସେମିତି କିଛି ସୁବିଧା ସୁଯୋଗ ଦିଆଯାଇନାହିଁ। ଏହା ସତ୍ତ୍ୱେ ଆମେ ଇ-ଓ୍ୱାଲେଟ୍ ମାଧ୍ୟମରେ କିଣାବିକା କରୁଛୁ।”</p> <p>ନୂଆଗାଁ ଦେବାଶିଷ ଷଡ଼ଙ୍ଗୀ କହିଛନ୍ତି-“ଯେଉଁମାନଙ୍କ ପାଖରେ ଆଣ୍ଡ୍ରଏଡ୍‌ ଫୋନ୍‌ ରହିଛି, ସେମାନେ ଇ-ଓ୍ୱାଲେଟ୍ ମାଧ୍ୟମରେ କିଣାବିକା କରୁଛନ୍ତି। ମାତ୍ର ବୟସ୍କ ଓ ଗରିବ ଲୋକମାନେ ପୂର୍ବ ପରି କିଣାବିକା କରୁଛନ୍ତି।”</p> <p>ନୋଟ୍‌ବନ୍ଦୀ ପରେ ଭୁବନେଶ୍ୱର ଏକ ନମ୍ୱର ମାର୍କେଟରେ ବିଭିନ୍ନ ଦୋକାନରେ ପଏଣ୍ଟ ଅଫ୍ ସେଲ୍ ମେସିନ୍(ପିଓଏସ୍‌) ଲାଗିଥିଲା। ଇ-ଓ୍ୱାଲେଟ୍ ମାଧ୍ୟମରେ ପେମେଣ୍ଟ ହେଉଥିଲା। କିନ୍ତୁ ବଜାରରେ ପର୍ଯ୍ୟପ୍ତ ପରିମାଣରେ ନୋଟ୍ ଉପଲବ୍ଧ ପରେ ଏବେ ମୁଖ୍ୟତଃ ନଗଦ କାରବାର ହେଉଛି। ଦୋକାନୀମାନେ କ୍ୟାସଲେସ୍ ପେମେଣ୍ଟ ବୋର୍ଡ ବି ଉଠାଇ ନେଲେଣି।</p> <p>ବିମୁଦ୍ରାକରଣ ପରେ ରାଜ୍ୟରେ କ୍ୟାସଲେସ୍ କାରବାର ଯଥେଷ୍ଟ ବୃଦ୍ଧି ପାଇଛି। ତଥ୍ୟ ଅନୁଯାୟୀ, ଗତବର୍ଷ ଅକ୍ଟୋବର ସୁଦ୍ଧା ଏସ୍‌ବିଆଇର ୬,୫୦୦ଟି ପିଓଏସ୍‌ ମେସିନ୍ ଗ୍ରାହକ ନେଇଥିଲେ। କିନ୍ତୁ ଚଳିତ ବର୍ଷ ଅକ୍ଟୋବର ସୁଦ୍ଧା ଏହି ସଂଖ୍ୟା ୨୧,୦୦୦ରେ ପହଞ୍ଚିଛି। ସେହିପରି ପୂର୍ବରୁ ଏସ୍‌ବିଆଇ ପିଓଏସ୍‌ ମାଧ୍ୟମରେ ମାସକୁ ୧୨୦ କୋଟି ଟଙ୍କାର ପେମେଣ୍ଟ ହେଉଥିବା ବେଳେ ଏବେ ଏହା ୧୮୦ କୋଟିରେ ପହଞ୍ଚିଛି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
