ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର: ପାର୍କରେ ଯୁବକଙ୍କୁ ଦୁଇ ଯୁବତୀଙ୍କ ମାଡ଼ ମାରିବା ଘଟଣା ରୋଚକ ମୋଡରେ ପହଞ୍ଚିଛି। ଆଜି ମାଡ଼ ମାରିବାର ଦୁଇ ଯୁବତୀ ଭୁବନେଶ୍ୱର ମହିଳା ଥାନାରେ ମାଡ଼ ଖାଇଥିବା ଯୁବକ କମଲ କୁମାର ଅଗ୍ରୱାଲଙ୍କ ବିରୋଧରେ ଅଭିଯୋଗ କରିଛନ୍ତି। ସେମାନେ କମଲଙ୍କ ବିରୋଧରେ ଲଭ, ରିଲେସନ୍‌ ଓ ପ୍ରତିଶ୍ରୁତି ପରେ ଧୋକ୍କା ଅଭିଯୋଗ ଆଣିଛନ୍ତି। ପୋଲିସ ୧୬୧ ଧାରାରେ ଯୁବତୀଙ୍କ ବୟାନ୍‌ ରେକର୍ଡ କରିଛି।</p> <p>ଦୁଇ ଯୁବତୀଙ୍କ କହିବା ଅନୁଯାୟୀ, କମଲଙ୍କ ସହିତ କଥା ହେବାକୁ ବୁଦ୍ଧ ପାର୍କଙ୍କୁ ଡାକିଥିଲେ। ସେମାନଙ୍କଠାରୁ ଡାକରା ପାଇ କମଲ ପାର୍କରେ ପହଞ୍ଚି ଥିଲେ। ସେମାନେ ପ୍ରଥମେ କମଲଙ୍କୁ ବୁଝାଇବାକୁ ଚେଷ୍ଟା କରିଥିଲେ। ମାତ୍ର କମଲ ସେମାନଙ୍କ କଥା ଶୁଣି ନଥିଲେ। ଏପରିକି ସେମାନଙ୍କୁ ଗାଳି ଦେଇଥିଲେ। ଏଥିରେ ଉତ୍‌କ୍ଷିପ୍ତ ହୋଇ ମାଡ଼ ମାରିଥିବା ଦୁଇ ଯୁବତୀ ପୋଲିସ ପାଖରେ ସ୍ୱୀକାର କରିଛନ୍ତି। ତେବେ ଭିଡ଼ିଓ ଭାଇରାଲ ଓ ମାଡ଼ ମାରୁଥିବା ଯୁବକଙ୍କ ବିଷୟରେ ସେମାନେ ମୁହଁ ଖୋଲି ନାହାନ୍ତି। ଏପରିକି ସେହି ଯୁବକଙ୍କୁ ସେମାନେ ଚିହ୍ନି ନାହାନ୍ତି ବୋଲି କହିଛନ୍ତି।</p> <p>ଅନ୍ୟପକ୍ଷରେ ଗତ ମଙ୍ଗଳବାର ମାଡ ମାରିଥିବା ଦୁଇ ଯୁବତୀ ଓ ଭିଡ଼ିଓ ସୁଟିଂ କରିଥିବା ଯୁବକଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ ପାଇଁ ଭୁବନେଶ୍ୱର ଏସ୍‌ଡିଜେଏମ୍‌ଙ୍କ କୋର୍ଟରେ ମାମଲା ଦାୟର କରିଛନ୍ତି କମଲ। ତେବେ ଏଠି ପ୍ରଶ୍ନ ଉଠୁଛି ସତ କିଏ କହୁଛି, ମାଡ଼ ମାରିଥିବା ଦୁଇ ଯୁବତୀ ନା କମଲ? ଯଦି ଦୁଇ ଯୁବତୀ ସତ କହୁଛନ୍ତି, ତାହାହେଲେ କୋର୍ଟରେ ମାମଲା ରୁଜୁ ହେବା ପର୍ଯ୍ୟନ୍ତ କାହିଁକି ଅପେକ୍ଷା କରିଥିଲେ। ପୋଲିସ ଅତି ସତର୍କକତାର ସହିତ ମାମଲାକୁ ବିଚାର କରୁଛି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
