ଆଜିଠୁ ପୁଣି ଆରମ୍ଭ ହେବ ଜଗମୋହନର ମରାମତି କାମ

ପୁରୀ: ବିପଦସଙ୍କୁଳ ଅବସ୍ଥାରେ ଥିବା ଶ୍ରୀମନ୍ଦିର ଜଗମୋହନର ମରାମତି କାମ ଆଜିଠୁ ପୁଣି ଆରମ୍ଭ ହେବ। ଯାନ୍ତ୍ରିକ ତୃଟି ଯୋଗୁଁ ଗତ ଶୁକ୍ରବାର  ମରାମତି କାମକୁ ବନ୍ଦ କରି ଦିଆଯାଇଥିଲା। ପ୍ରଥମ ଦିନରେ ଡ୍ରିଲିଂ ମେସିନ୍ ସାହାଯ୍ୟରେ ୩ଟି ସ୍ତରର ପଥରକୁ କଟାଯାଇ ନିଅଁ ଖୋଳାଯାଇଥିଲା। ସେସବୁକୁ ପରୀକ୍ଷା ନିରୀକ୍ଷା କରାଯିବା ପରେ ଚାରିକୋଣରେ ଷ୍ଟିଲ୍‌ ପିଲାର୍ ଯୋଗେ ଉପର ବିମ୍‌ର ସଂଯୋଗ କାମ ଆରମ୍ଭ ହେବ। ଫଳରେ ଜଗମୋହନ ସୁରକ୍ଷିତ ରହିବ ବୋଲି ପ୍ରତ୍ନତତ୍ତ୍ୱ ବିଭାଗ ସୂଚନା ଦେଇଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।