ବାଲୁଗାଁ(ଓଡ଼ିଶା ରିପୋର୍ଟର): ଚଳିତ ବର୍ଷ ୧୮୧ଟି ପ୍ରଜାତିର ୧୦ ଲକ୍ଷ ୪୭ ହଜାର ୯୬୮ଟି ପକ୍ଷୀ ଚିଲିକାକୁ ଆସିଛନ୍ତି। ଗତବର୍ଷ ଅପେକ୍ଷା ଏ ବର୍ଷ ଦେଢ଼ ଲକ୍ଷରୁ ଅଧିକ ପକ୍ଷୀ ଏଠାକୁ ଆସିଛନ୍ତି। ଚଳିତ ବର୍ଷ କରାଯାଇଥିବା ପକ୍ଷୀ ଗଣନାରୁ ଏହା ଜଣାପଡ଼ିଛି।
ଗତବର୍ଷ ଚିଲିକାକୁ ୮ ଲକ୍ଷ ୯୩ ହଜାର ୩୯୦ଟି ପକ୍ଷୀ ଆସିଥିଲେ। ଏବର୍ଷ ଆହୁରି ୧ ଲକ୍ଷ ୫୪ ହଜାର ୫୭୮ଟି ଅଧିକ ପକ୍ଷୀ ଏଠାକୁ ଆସିଛନ୍ତି। ଗତ ୧୦ ବର୍ଷ ଭିତରେ ଚଳିତ ବର୍ଷ ଚିଲିକାକୁ ସର୍ବାଧିକ ପକ୍ଷୀ ଆସିଥିବା ଜଣାପଡ଼ିଛି।
ସେହପରି ଚଳିତ ବର୍ଷ ପକ୍ଷୀ ଅଭୟାରଣ୍ୟ ନଳବଣରେ ୩ ଲକ୍ଷ ୯୩ ହଜାର ୫୪୧ଟି ପକ୍ଷୀ ଅଛନ୍ତି। ଗତବର୍ଷ ଏହି ସଂଖ୍ୟା ୩ ଲକ୍ଷ ୨୦ ହଜାର ୮୨୬ ଥିଲା। ପକ୍ଷୀ ଗଣନାରେ ୱାଇଲ୍ଡ ଲାଇଭ୍ ଚିଲିକାର ୫ଟି ଡିଭିଜନରୁ ୨୧ଟି ଟିମ୍ ସାମିଲ ଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।