ଭୁବନେଶ୍ୱର: ଆସନ୍ତା କାଲି ଅକ୍ଷୟ ତୃତୀୟା। ଅକ୍ଷୟ ତୃତୀୟାରେ ସୁନା କିଣିଲେ ଘରକୁ ଲକ୍ଷ୍ମୀ ଆସନ୍ତି ବୋଲି ଧାରଣା ରହିଛି। ଗ୍ରାହକଙ୍କୁ ଆକୃଷ୍ଟ କରିବା ଲାଗି ଗହଣା ଦୋକାନୀ ବିଭିନ୍ନ ପ୍ରକାର ଅଫର ଦେଇଛନ୍ତି। ଏହାସହ ନୂଆ ନୂଆ ଡିଜାଇନର ଗହଣା ମଧ୍ୟ ବଜାରକୁ ଆସିଛି।
ତେବେ ଅକ୍ଷୟ ତୃତୀୟା ପୂର୍ବରୁ ରାଜଧାନୀର ଅଧିକାଂଶ ଗହଣା ଦୋକାନରେ ମଧ୍ୟ ଦେଖିବାକୁ ମିଳିଥିଲା। ସୁନା ଦର ଉଚ୍ଚା ଥିଲେ ମଧ୍ୟ ପରମ୍ପରାକୁ ଦୃଷ୍ଟିରେ ରଖି ଲୋକେ ସୁନା କିଣୁଛନ୍ତି। କମ ଓଜନର ଆକର୍ଷଣୀୟ ଗହଣାକୁ ଗ୍ରାହକ ଅଧିକ ପସନ୍ଦ କରୁଛନ୍ତି। ଗ୍ରାହକଙ୍କୁ ଆକୃଷ୍ଟ କରିବାକୁ ଦୋକାନୀମାନେ ମଧ୍ୟ ଅଫରର ପେଡି ଖୋଲି ଦେଇଛନ୍ତି। କେଉଁଠି ଗଢା ମଜୁରୀ ଉପରେ ୫୦ ପ୍ରତିଶତ ଛାଡ କରାଯାଇଛି ତ ଆଉ କେଉଁଠି ମୋଟ୍ ବିଲ୍ ଉପରେ ୧୦ ପ୍ରତିଶତ ଡିସ୍କାଉଣ୍ଟ ମିଳୁଛି। ଗ୍ରାହକଙ୍କ ଆଗ୍ରହକୁ ଦେଖିଲେ ଚଳିତବର୍ଷ ଅକ୍ଷୟ ତୃତୀୟାରେ ଭଲ କାରବାର ହେବ ବୋଲି ସୁନା ବ୍ୟବସାୟୀ ଆଶା ରଖିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।