ଖଣି ପ୍ରଭାବିତ ଜିଲ୍ଲା ବିକାଶ ପାଇଁ ଖର୍ଚ୍ଚ ହେବ ୮୬୯ କୋଟି ଟଙ୍କା

ଭୁବନେଶ୍ୱର: ଖଣି  ପ୍ରଭାବିତ  ଜିଲ୍ଲା ବିକାଶ ପାଇଁ ଖର୍ଚ୍ଚ ହେବ ୮୬୯ କୋଟି ଟଙ୍କା। ଶନିବାର ସଚିବାଳୟରେ ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ବସିଥିବା  ଓଏମ୍‌ବିଏଡିସି ବୈଠକରେ ଏ ନେଇ ନିଷ୍ପତ୍ତି ନିଆଯାଇଛି। ବୈଠକରେ ୭୨୦ କୋଟି ଟଙ୍କା ଖର୍ଚ୍ଚ ପାଇଁ ଅନୁମୋଦନ ହୋଇଛି।  ପ୍ରଭାବିତ ଜିଲ୍ଲା ଗୁଡ଼ିକରେ ୩୫୦ କୋଟି ବ୍ୟୟରେ ପକ୍କା ଘର ନିର୍ମାଣ ହେବ। କେନ୍ଦୁଝରରେ ସର୍ବାଧିକ ୨୦ ହଜାର ଏବଂ ସୁନ୍ଦରଗଡ଼ରେ ୮ହଜାର ଘର ତିଆରି ହେବା ନେଇ ନିଷ୍ପତ୍ତି ନିଆଯାଇଛି। ୬ ମାସ ମଧ୍ୟରେ ଏହି ପକ୍କା ଘର ତିଆରି ସାରିବାକୁ ନିର୍ଦ୍ଦେଶ ଦିଆଯାଇଛି।  ପାଇପ୍ ପାଣି ପାଇଁ ୩୫୦ କୋଟି ଓ ବୃକ୍ଷ ରୋପଣ ପାଇଁ ୨୦ କୋଟି ଟଙ୍କା ଖର୍ଚ୍ଚ ହେବ। ଖଣି ପ୍ରଭାବିତ ୮ ଜିଲ୍ଲା ଅନୁଗୋଳ, ଢେଙ୍କାନାଳ, ଯାଜପୁର, ଝାରସୁଗୁଡା, କେନ୍ଦୁଝର, କୋରାପୁଟ, ମୟୂରଭଞ୍ଜ ଓ ସୁନ୍ଦରଗଡ ଜିଲ୍ଲାର ୨୯ଟି ବ୍ଲକର ୫୨୩ ଗାଁର ବାସିନ୍ଦାଙ୍କ ପାଇଁ ସରକାର ୪୬ ହଜାର ପକ୍କା ଘର ତିଆରି କରିବେ। ଏହି ବୈଠକ ଶେଷ ହେବା ପରେ ଜଙ୍ଗଲ ସଚିବ ସୁରେଶ ମହାପାତ୍ର ଏନେଇ ସୂଚନା ଦେଇଛନ୍ତି।