ଖଣି ବିଭାଗକୁ ରାଜସ୍ୱ ଚିନ୍ତା: ତିନି ମାସରେ ଅଢେ଼ଇ ହଜାର କୋଟିର ଟାର୍ଗେଟ

ଭୁବନେଶ୍ୱର: ରାଜସ୍ୱ ଆଦାୟକୁ ନେଇ ଚିନ୍ତାରେ ପଡ଼ି ଯାଇଛି ରାଜ୍ୟ ଖଣିଜ ବିଭାଗ।୨୦୧୫-୧୬ ଆର୍ଥିକ ବର୍ଷରେ ଖଣି ରାଜସ୍ୱ ଟାର୍ଗେଟ୍ ଥିଲା ୬ ହଜାର କୋଟି ଟଙ୍କା। ଗତ ୯ ମାସରେ ଖଣି ରାଜସ୍ୱ ବାବଦକୁ ଆଦାୟ ହୋଇଛି ପ୍ରାୟ ୩ ହଜାର ୬ଶହ ୫୦କୋଟି ଟଙ୍କ।। ଆଉ ୩ ମାସରେ ଆଦାୟ କରିବାକୁ ପଡ଼ିବ ୨ ହଜାର ୩୫୦ କୋଟି ଟଙ୍କ।। ଏହି ଟାର୍ଗେଟ୍ ହାସଲ କରିବା ପାଇଁ ସୋମବାର ମୁଖ୍ୟ ଶାସନ ସଚିବ ଖଣି ବିଭାଗକୁ କହିଛନ୍ତି। ଖଣି ଓ ଇସ୍ପାତ ବିଭାଗର ସମୀକ୍ଷା ବେଳେ ସେ ଏହା କହିଥିଲା।

ସମୀକ୍ଷା ବୈଠକ ପରେ ଖଣି ନିର୍ଦ୍ଦେଶକ ଦୀପକ ମହାନ୍ତି କହିଛନ୍ତି, ଉତ୍ତୋଳନ ଓ ପରିବହନକୁ ତ୍ୱରାନ୍ୱିତ କରି ଖଣି ରାଜସ୍ୱକୁ ନିର୍ଦ୍ଧାରିତ ସମୟ ସୁଦ୍ଧା ୬ ହଜାର କୋଟିରେ ପହଞ୍ଚାଇବାକୁ ମୁଖ୍ୟ ଶାସନ ସଚିବ ନିର୍ଦ୍ଦେଶ ଦେଇଛନ୍ତି।

ସେ ଆହୁରି ମଧ୍ୟ କହିଛନ୍ତି, ଖଣି ଓ ଇସ୍ପାତ ବିଭାଗର ସମୀକ୍ଷା ବେଳେ ମୁଖ୍ୟଶାସନ ସଚିବ ଆଦିତ୍ୟ ପ୍ରସାଦ ପାଢୀଙ୍କ ଖଣି ଅଂଚଳରେ ଭୂ ତାତ୍ୱିକ ସର୍ବେକ୍ଷଣକୁ ତ୍ୱରାନ୍ୱିତ କରିବାକୁ ଗୁରୁତ୍ୱ ଦେଇଥିଲା। ଭୂତାତ୍ୱିକ ସର୍ବେକ୍ଷଣ ସଠିକ ଭାବେ କରି ଜି ଟୁ ଲେଭେଲକୁ ଆଣି ଖୁବଶୀଘ୍ର  ୫ଟି ଲୁହାପଥର ଓ ଅନ୍ୟ କିଛି ବକସାଇଟ ଖଣିର ନିଲାମୀ ପାଇଁ ମୁଖ୍ୟଶାସନ ସଚିବ ପରାମର୍ଶ ଦେଇଥିଲେ।

ଅନ୍ୟପକ୍ଷରେ ଖଣିଜ ପଦାର୍ଥ ଉତ୍ପାଦନ ଓ ଚାଲାଣ ଠିକ ଭାବରେ ହେଉ ନ ଥିବାରୁ ରାଜସ୍ୱ ଆଦାୟ  ଟାର୍ଗେଟ ହାସଲ  ସମ୍ଭବ ହୋଇ ନ ପାରେ ବୋଲି ଆଶଙ୍କ। ପ୍ରକାଶ କରିଛି ଖଣି ମାଲିକ ସଂଘ।

ଖଣି ନିଲାମୀକୁ ତ୍ୱାରାନ୍ୱିତ କରିବାକୁ କେନ୍ଦ୍ର ରାଜ୍ୟ ସରକାରଙ୍କୁ କହିଥିବା ଜଣାପଡିଛି। ଜାନୁୟାରୀ ପ୍ରଥମ କିମ୍ୱା ଦ୍ୱିତୀୟ ସପ୍ତାହରେ ଦୁଇଟି ଲାଇମେଷ୍ଟାନ୍ ଖଣିର ନିଲାମ ପାଇଁ ବିଜ୍ଞପ୍ତି ପ୍ରକାଶ ପାଇପାରେ।