କଟକ: ଦେଶରେ ନିଖୋଜ ଶିଶୁଙ୍କୁ ଠାବ କରିବା ଲାଗି କେନ୍ଦ୍ର ଗୃହ ମନ୍ତ୍ରଣାଳୟ ନୂଆବର୍ଷରୁ ଆରମ୍ଭ କରୁଛି ଅପରେସନ୍ ସ୍ମାଇଲ-ଟୁ। ରାଜ୍ୟରେ ଏହି ଅପରେସନ୍ ପ୍ରସ୍ତୁତ ପାଇଁ ଆଜି କଟକ କ୍ରାଇମବ୍ରାଞ୍ଚ ମୁଖ୍ୟାଳୟରେ ଏକ ବୈଠକ ଡ଼କାଯାଇଛି। ଏଥିରେ ପୋଲିସ ଡିଜି କେବି ସିଂଙ୍କ ସମେତ ବିଭିନ୍ନ ଜିଲ୍ଲାରୁ ୧୦୦ରୁ ଅଧିକ ପୋଲିସ୍ ଅଧିକାରୀ ଯୋଗ ଦେବେ।
ଚଳିତ ବର୍ଷ ଏହି ଯୋଜନା ଓଡ଼ିଶାରେ ବେଶ୍ ସଫଳ ହୋଇଥିଲା। ଏହି ଦୃଷ୍ଟିରୁ ସ୍ମାଇଲ୍-ଟୁକୁ ଯେପରି ସଫଳତା ମିଳିବ ସେଥିପାଇଁ ସ୍ୱତନ୍ତ୍ର ଯୋଜନା ପ୍ରସ୍ତୁତ କରିଛି କ୍ରାଇମବ୍ରାଞ୍ଚ। ଷ୍ଟେସନ, ବସ୍ ଷ୍ଟାଣ୍ଡ୍, ହୋଟେଲ ଓ ଢାବା ଆଦି ସ୍ଥାନରେ କାମ କରୁଥିବା ଏବଂ ଭିକ୍ଷା ବୃତ୍ତିରେ ନିୟୋଜିତ ଥିବା କୋମଳମତି ଶିଶୁଙ୍କୁ ଉଦ୍ଧାର କରାଯାଇ ଥଇଥାନ କରାଯିବ।
ଅପରେସନ୍ ସ୍ମାଇଲ୍-୧ ଜରିଆରେ ଦେଶର ବିଭିନ୍ନ ସ୍ଥାନରୁ ନିଖୋଜ ପ୍ରାୟ ୩୦ ହଜାର ଶିଶୁଙ୍କୁ ଉଦ୍ଧାର କରାଯାଇଛି। ସେହିପରି ୯ଶହରୁ ଅଧିକ ଓଡ଼ିଆ ଶିଶୁଙ୍କୁ ଉଦ୍ଧାର କରିଛି ରାଜ୍ୟ ପୋଲିସ୍।ଉଦ୍ଧାର ଶିଶୁ ତାଲିକାରେ ଯାଜପୁର ଜିଲ୍ଲା ସବୁଠାରୁ ଆଗରେ ଥିବାବେଳେ କଳାହାଣ୍ଡି ଓ ମୟୂରଭଞ୍ଜ ଜିଲ୍ଲା ଦ୍ୱିତୀୟ ଏବଂ ତୃତୀୟ ସ୍ଥାନରେ ରହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
