ସାରଥି ବିବାଦ: ବିବାଦୀୟ ଯୁବତୀଙ୍କ ପକ୍ଷରୁ ଅଭିଯୋଗ କରିଥିବା ମହିଳାଙ୍କୁ ଗିରଫ କଲା କ୍ରାଇମବ୍ରାଞ୍ଚ

କଟକ: ସାରଥି ବିବାଦର ବିବାଦୀୟ ଯୁବତୀଙ୍କୁ ଧମକ ଦେଇ ଅଭିଯୋଗ ଦେଇଥିବା ମହିଳାଙ୍କୁ କ୍ରାଇମବ୍ରାଞ୍ଚ ଟିମ ବଡଚଣା ବ୍ଲକ ତରଞ୍ଜିଆରୁ ଗିରଫ କରିଛି। ଗିରଫ ମହିଳା ଜଣଙ୍କ ହେଲେ ମଞ୍ଜୁଲତା ସ୍ୱାଇଁ । ଗତ ୭ ତାରିଖରୁ ସେ ଫେରାର ଥିଲେ । ମହିଳା ଜଣଙ୍କୁ ନିଜକୁ ବିବାଦୀୟ ଯୁବତୀଙ୍କ ମାଉସୀ ବୋଲି ପରିଚୟ ଦେଇ ଯୁବତୀଙ୍କ ପକ୍ଷରୁ ମଙ୍ଗଳାବାଗ ଥାନାରେ ଏତଲା ଦେଇଥିଲେ । ବିବାଦୀୟ ଯୁବତୀ କ୍ରାଇମବ୍ରାଞ୍ଚରେ କରିଥିବା ଅଭିଯୋଗରେ ମହିଳା ଜଣଙ୍କ ତାଙ୍କୁ ଧମକ ଦେଇ ୪ଜଣଙ୍କ ନାମରେ ବ୍ଲାକମେଲିଂ ଅଭିଯୋଗ କରାଇଥିଲେ ବୋଲି ଦର୍ଶାଇଛନ୍ତି । ଏ ନେଇ ଯୁବତୀ କ୍ରାଇମବ୍ରାଞ୍ଚ ଅଧିକାରୀଙ୍କୁ କହିବା ପରେ ତାଙ୍କୁ ଧରିବାକୁ ଯୋଜନା କରାଯାଇଥିଲା ।