ବାଜା, ବାଣ, ରୋଶଣିରେ ଦୁଲୁକିଲା ବାଲେଶ୍ୱର

baleswar

ବାଲେଶ୍ୱର (ଓଡ଼ିଶା ରିପୋର୍ଟର): ବାଜା, ବାଣ, ରୋଶଣିରେ ଦୁଲୁକିଲା ବାଲେଶ୍ୱର ସହର। ଏପରି ରୋଶଣି ହୋଇଥିଲା ଏକ ବାହାଘରରେ। ଏହା ଏମିତି ସେମିତି ବାହାଘର ନଥିଲା। ଏହାଥିଲା ବାଲେଶ୍ୱରର ପ୍ରସିଦ୍ଧ ଜଉ କଣ୍ଢେଇ ବିବାହ। ସାଧାରଣ ବିବାହ ଘରଠାରୁ ଏହା କୌଣସି ଗୁଣରେ କମ୍ ନଥିଲା।

ରୋଶଣିରେ ନାଚଗୀତରେ ମସଗୁଲ ଥିଲେ ବରଯାତ୍ରୀ। ନିମନ୍ତ୍ରତ ହୋଇଥିଲେ ହଜାର ହଜାର ଅତିଥି। ସୁନ୍ଦର ଭାବେ ସଜାଯାଇଥିଲା ଗେଟ୍। ଗେଟ୍‌ରେ ବର-କନ୍ୟା ନାଁ ‘କାଳିଯାଇ ସହ ଶିବ ବାହାଘର’ ଲେଖାଯାଇଥିଲା। ଏଠି ବର ହେଉଛି ଜଉ କଣ୍ଢେଇ ଶିବ, ଆଉ କନ୍ୟା କାଳିଯାଇ।  ରୋଶଣିରେ ଶିବ ବାହାରି ନୂଆ ବଜାର ମଙ୍ଗଳା ମନ୍ଦିରରେ ପହଞ୍ଚି ଥିଲେ। ସେଠାରେ କନ୍ୟା ପିତା ବରକୁ ପାଛୋଟି ନେଇଥିଲେ। ବେଶ ଧୁମଧାମରେ ଶେଷ ହୋଇଥିଲା ବିବାହ।

ଅନ୍ୟପକ୍ଷରେ ଏଭଳି ବିବାହକୁ ନେଇ ସହରରେ ବିରୋଧର ସ୍ୱର ଉଠିଛି। ‘ବାପା’ ସଂଗଠନ ଏପରି ବିବାହ ଉତ୍ସବକୁ ବିରୋଧ କରିଛି। ଜଉ କଣ୍ଢେଇ ବାହାଘରକୁ ବାଲେଶ୍ୱର ଲୋକକଳା ଓ ସଂସ୍କୃତିର ଆଖ୍ୟା ଦିଆଯିବାକୁ ନେଇ ଆପତ୍ତି ଉଠାଇଛି ସଂଗଠନ। ଏଥିପାଇଁ ସଂଗଠନ ଆଇନର ଆଶ୍ରୟ ମଧ୍ୟ ନେଇଛି।

Previous ArticleNext Article

Send this to a friend