ଭଦ୍ର ମୁଖା ତଳେ ଅସଲ ରୂପ: ପର ଜମିରେ ଚାଲିଛି ବିରାଟ ବିରାଟ ଅଟ୍ଟାଳିକା ନିର୍ମାଣ

ଭୁବନେଶ୍ୱର(ଓଡ଼ିଶା ରିପୋର୍ଟର): କିଟ ଓ କିସ୍ ବିରୋଧରେ ଜମି ହଡ଼ପର ଆଉ ଏକ ସାଂଘାତିକ ଅଭିଯୋଗ। ଜଣେ ଆଦିବାସୀଙ୍କ ଜମିକୁ ବି ଜବରଦଖଲ କରିବାକୁ ପଛାଇନାହାନ୍ତି କିଟ୍ କର୍ତ୍ତୃପକ୍ଷ। ପୂର୍ବରୁ ବି ଏ ସଂସ୍ଥା ନାଁରେ ଜମି ହଡପ୍ ଅଭିଯୋଗର ତାଲିକା ବେଶ୍ ଲମ୍ବା ରହିଆସିଛି। ଏତେସବୁ ଘଟଣା ପରେ ବି ସରକାର କାହିଁକି ନିରବଦ୍ରଷ୍ଟା, ତାକୁ ନେଇ ଉଠିଛି ପ୍ରଶ୍ନ।Image result for kiit kiss building in bhubaneswar

ବେଆଇନ ଭାବେ ଜବରଦଖଲ କରିଛନ୍ତି କିଟ୍ କର୍ତ୍ତୃପକ୍ଷ। ଏହି ଅଭିଯୋଗ ଆଣିଛନ୍ତି ଜଣେ ହିତାଧିକାରୀ। ଅଭିଯୋଗ ଅନୁସାରେ ପଥରଗାଡ଼ିଆ ମୌଜାର ଖତିଆନ ନମ୍ବର ୪୫୫ କହୁଛି ଏ ଜମି ହେଉଛି ଗୋବର୍ଦ୍ଧନଙ୍କର। ୨୦୧୪ ମସିହାରେ ପାଖାପାଖି ୧ ଏକର ଜମି କିଣିଥିଲେ ଗୋବର୍ଦ୍ଧନ। ହେଲେ ଏବେ ସେ ଜମିକୁ ନାଲି ଆଖି ଦେଖାଇ ଜବରଦଖଲ କରି ଆତ୍ମଘେଷିତ ମାଲିକ ବନିଛନ୍ତି କିଟ୍ କର୍ତ୍ତୁପକ୍ଷ। ପରେ ଜମିରେ ବିରାଟ ଅଟ୍ଟାଳିକା ନିର୍ମାଣ କରି ବାଃ ବାଃ ନେଉଛି କିସ୍ ପ୍ରତିଶ୍ରୁତି। ମୁତାବକ ଜମି ବାବଦକୁ ଗୋବର୍ଦ୍ଧନଙ୍କୁ ନା ମିଳିଛି ଟଙ୍କା ନା ଚାକିରୀ ବରଂ ତା ପରିବର୍ତ୍ତେ ଏବେ ନିଜ ଜମିରେ ଗୋବର୍ଦ୍ଧନଙ୍କୁ ପାଦ ପକାଇ ଦେଉନାହାଁନ୍ତି କିସ୍ & କିଟ୍‌ର ମାଲିକ।Related image

ଇଏ ହେଉଛି ଦୁର୍ଯ୍ୟୋଧନଙ୍କ ଅସଲ ପଟାର ନକଲ। ଯେଉଁଥିରେ ୩ଟି ଖାତାରେ ୬ଟି ପ୍ଲଟ ରହିଛି। ଏହାକୁ  ଦୁର୍ଯ୍ୟୋଧନ ୧୪ ମସିହାରେ କିଣିଥିଲେ। ଖାତା ନମ୍ବର ୪୫୩ରେ ରହିଛି ପ୍ଲଟ ନମ୍ବର ୧୦୪୨, ୧୦୪୭ ଓ ୧୦୪୮। ଯେଉଁଥିରେ ରହିଛି ସମୁଦାୟ ୪୦୫ ଡିସିମିଲ୍ ଜାଗା। ସେହିପରି ଖାତା ନମ୍ବର ୪୫୪ରେ ରହିଛି ପ୍ଲଟ ନମ୍ବର ୧୦୦୯, ଯେଉଁଥିରେ ୧୪୬ ଡିସିମିଲ୍ ଜାଗା ରହିଛି।Image result for kiit kiss building in bhubaneswar

ଠିକ୍ ସେମିତି ଖାତା ନମ୍ବର ୪୫୫ରେ ରହିଛି ପ୍ଲଟ ନମ୍ବର ୧୦୧୩ ଓ ୧୦୦୭। ଯେଉଁଥିରେ ରହିଛି ୩୩୫ ଡିସିମିଲ୍ ଜାଗା। ଏସବୁ ଏବେ ବି ସରକାରୀ ୱେବସାଇଟରେ ଉପଲବ୍ଧ ରହିଛି। ଗୋବର୍ଦ୍ଧନ ଯେଉଁ ସାଘାଂତିକ ଅଭିଯୋଗ ଆଣୁଛନ୍ତି, ସେ ନେଇ କିନ୍ତୁ କ୍ୟାମେରା ଆଗରେ ମୁହଁ ଖୋଲୁନାହାନ୍ତି କିଟ୍ କର୍ତ୍ତୁପକ୍ଷ।

 

Previous ArticleNext Article

Send this to a friend