ଖରାପ ପ୍ରଦର୍ଶନ ସତ୍ତ୍ୱେ ଖେଳ ପଡ଼ିଆରେ କୋହଲି ଓ ଧୱନ କଲେ ଭାଙ୍ଗଡ଼ା ଡ୍ୟାନ୍ସ: ଦେଖନ୍ତୁ ଭିଡିଓ

ଭୁବନେଶ୍ୱର (ଓଡ଼ିଶା ରିପୋର୍ଟର): ଇଂଲଣ୍ଡ ବିପକ୍ଷ ଟେଷ୍ଟ ସିରିଜ୍‌ ପୂର୍ବରୁ ଭାରତ ଓ ଏସେକ୍ସ ମଧ୍ୟରେ ଖେଳାଯାଇଥିବ ଅଭ୍ୟାସ ମ୍ୟାଚ୍‌ ଡ୍ର’ରେ ସମାପ୍ତ ହୋଇଛି। ଏହି ମ୍ୟାଚ୍‌ରେ ଭାରତୀୟ ବ୍ୟାଟିଂ ଓ ବୋଲିଂକୁ ନେଇ ଅନେକ ପ୍ରଶ୍ନ ଉଠିଛି। ଏହି ମ୍ୟାଚ୍‌ରେ ଶିଖର ଧୱନ ଓ ଚେତେଶ୍ୱର ପୂଜାରାଙ୍କ ଖରାପ ବ୍ୟାଟିଂ ଓ ସ୍ପିନ୍‌ ବିଭାଗର ଦୟନୀୟ ବୋଲିଂ ଦେଖିବାକୁ ମିଳିଥିଲା। ଶିଖର ଧୱନ ୨ଟି ଇଂନିସରେ ଶୂନରେ ଆଉଟ୍‌ ହୋଇଥିଲେ। ତଥାପି ସେ ଏହି ମ୍ୟାଚ୍‌ରେ ଚର୍ଚ୍ଚାର କାରଣ ପାଲଟିଥିଲେ।

ଏସେକ୍ସ ବିପକ୍ଷ ଅଭ୍ୟାସ ମ୍ୟାଚ୍‌ ବେଳେ ଧୱନ ଅଧିନାୟକ କୋହଲିଙ୍କ ସହ ମିଶି ପଡ଼ିଆରେ ଡ୍ୟାନ୍ସ କରୁଥିବାର ଏକ ଭିଡ଼ିଓ ଭାଇରାଲ୍‌ ହେବାର ଲାଗିଛି। ମ୍ୟାଚ୍‌ ସମୟରେ ଭାରତୀୟ କ୍ରିକେଟ୍‌ ଟିମ୍‌ ଯେତେବେଳେ ପଡ଼ିଆ ମଧ୍ୟକୁ ଫିଲ୍ଡିଂ କରିବାକୁ ପ୍ରବେଶ କରୁଥିଲେ ସେତେବେଳେ ଏହି ଖେଳାଳିମାନଙ୍କୁ ବାଜା ବଜେଇ ସ୍ୱାଗତ କରାଯାଇଥିଲା। ଏହି ସମୟରେ ନିଜକୁ ରୋକି ପାରିନଥିଲେ ବିରାଟ ଓ ଧୱନ। ପ୍ରଥମେ କୋହଲି ବାଜା ସହ ତାଳ ମିଳାଇ ଭାଙ୍ଗଡ଼ା ନାଚ ନାଚିଥିବା ବେଳେ ପରେ ଧୱନ ନାଚି ନାଚି ପଡ଼ିଆକୁ ପ୍ରବେଶ କରିଥିଲେ।

ସୌଜନ୍ୟ-ୟୁଟ୍ୟୁବ୍‌

Previous ArticleNext Article

Send this to a friend