ପାରାଦୀପ: ୨୦୨୫ ସୁଦ୍ଧା ପାରାଦୀପ ବନ୍ଦର ଦେଶର ସର୍ବଶ୍ରେଷ୍ଠ ବନ୍ଦ ଭାବେ ପରିଗଣିତ ହେବ। ଶନିବାର ବାର୍ଷିକ ସାମ୍ବାଦିକ ସମ୍ମିଳନୀରେ ପାରାଦୀପ ବନ୍ଦର ଅଧ୍ୟକ୍ଷ ରିଙ୍କେଶ ରାୟ ଏହା କହିଛନ୍ତି।
ରାୟ ଆହୁରି କହିଛନ୍ତି, “ଚଳିତ ଆର୍ଥିକବର୍ଷରେ ବନ୍ଦରର ପଣ୍ୟ କାରବାର ୭୬.୩୮ ମିଲିୟନ ଟନ୍ରେ ପହଞ୍ଚିଛି। ଯାହା ଗତବର୍ଷ ତୁଳନାରେ ପ୍ରାୟ ୭.୫୭ ପ୍ରତିଶତ ଅଧିକ। ଏହାସହ ଅଧିକ ଅଭିବୃଦ୍ଧି ପାଇଁ ୫ରୁ ୬ଟି ମେଗା ପ୍ରକଳ୍ପ କାର୍ଯ୍ୟକାରୀ କରିବାକୁ ବନ୍ଦର କର୍ତ୍ତୃପକ୍ଷ ପଦକ୍ଷେପ ଗ୍ରହଣ କରିଛନ୍ତି। ପ୍ରଥମ ସମ୍ପ୍ରସାରଣ ଯୋଜନାରେ ବନ୍ଦର ତା’ର ବିଓଟି ବେସିସରେ ୧୦ ମିଲିୟମ ଟନ୍ କ୍ଷମତା ବିଶିଷ୍ଟ ଆଇରନ ଓର ବର୍ଥ, ୧୦ ମିଲିୟନ ଟନ୍ କ୍ଷମତା ବିଶିଷ୍ଟ କୋଲ୍ ବର୍ଥ ଓ ଇକ୍ୟୁ ୧, ୨, ୩ ନମ୍ବର ବର୍ଥକୁ ଯାନ୍ତ୍ରୀକ ପ୍ରକ୍ରିୟା କରିବ। ଏଥିସହ ଏକ ବାହ୍ୟ ପୋତାଶ୍ରୟ ପ୍ରକଳ୍ପ ହେବାକୁ ଯାଉଛି।”
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।