ନୂଆଦିଲ୍ଲୀ: କେନ୍ଦ୍ର ଅର୍ଥ ମନ୍ତ୍ରଣାଳୟ ରବିବାର ଜାରି କରିଛି ନୂଆ ସରଳ ଆୟକର ରିଟର୍ଣ୍ଣ ଫର୍ମ। ତିନି ପୃଷ୍ଠା ସମ୍ବଳିତ ଏହି ଆୟକର ରିଟର୍ଣ୍ଣ ଫର୍ମରୁ ଦୁଇଟି ବିବାଦୀୟ ପ୍ରସଙ୍ଗକୁ ବାଦ୍ ଦିଆଯାଇଛି। ଫଳରେ ରିଟର୍ଣ୍ଣ ଫାଇଲ ବେଳେ ବିଦେଶ ଗସ୍ତ ସଂପର୍କରେ ବିସ୍ତୃତ ବିବରଣୀ ଦେବାକୁ ହେବ ନାହିଁ କିମ୍ବା ନିଷ୍କ୍ରିୟ ବ୍ୟାଙ୍କ ଆକାଉଣ୍ଡ ସଂପର୍କରେ ତଥ୍ୟ ଦେବାକୁ ହେବ ନାହିଁ। ସରକାର ପ୍ରାରମ୍ଭରେ ଏହି ଦୁଇଟିକୁ ରଖିବା ଫଳରେ ବିବାଦ ଦେଖା ଦେଇଥିଲା। ବିଭିନ୍ନ ବର୍ଗରୁ ଏହାକୁ ବିରୋଧ କରାଯାଇଥିଲା। ଏହାକୁ ଦୃଷ୍ଟିରେ ରଖି ସରକାର ଏହି ଦୁଇଟି ପ୍ରସ୍ତାବକୁ ନୂଆ ସରଳ ଆୟକର ରିଟର୍ଣ୍ଣ ଫର୍ମରେ ସାମିଲ କରି ନାହାନ୍ତି। ଏହି ଫର୍ମ ଅନୁଯାୟୀ ବିଦେଶ ଗସ୍ତ ସଂପର୍କରେ ସବିଶେଷ ସୂଚନା ଦେବାକୁ ହେବ ନାହିଁ। କେବଳ ପାସ୍ ପୋର୍ଟ ସଂପର୍କରେ ସୂଚନା ଦେବାକୁ ହେବ। ଏହା ସହିତ ଆୟକର ରିଟର୍ଣ୍ଣର ଶେଷ ତାରିଖକୁ ଅଗଷ୍ଟ ୩୧ ପର୍ଯ୍ୟନ୍ତ ସରକାର ବଢ଼ାଇ ଦେଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
