ନୂଆଦିଲ୍ଲୀ: ଦେଶରେ କରୋନାଜନିତ ମୃତ୍ୟୁ ସଂଖ୍ୟା ପୁଣିଥରେ ୧୦୦୦ ଟପିଛି। ସ୍ୱାସ୍ଥ୍ୟ ମନ୍ତ୍ରାଳୟ ରିପୋର୍ଟ ମୁତାବକ, ଗତ ୨୪ ଘଣ୍ଟାରେ ଦେଶରେ ୧୦୩୩ ଲୋକଙ୍କର କରୋନାଜନିତ ମୃତ୍ୟୁ ହୋଇଛି। ତେବେ ଆଶ୍ୱସ୍ତିକର କଥା ହେଉଛି, ଦେଶରେ ଏପର୍ଯ୍ୟନ୍ତ ୬୫ଲକ୍ଷରୁ ଅଧିକ ଲୋକ କରୋନାକୁ ମାତ୍ ଦେଇ ସୁସ୍ଥ ହୋଇଛନ୍ତି। ଏହାବ୍ୟତୀତ ଗତ ଦେଢ଼ ମାସ ଭିତରେ ୨ୟ ଦିନରେ କରୋନା ସକ୍ରିୟ ମାମଲା ୮ଲକ୍ଷରୁ ତଳେ ରହିଛି।
ଗତ ୨୪ ଘଣ୍ଟା ଭିତରେ ଦେଶରେ ୬୧୮୭୧ କରୋନାରେ ଆକ୍ରାନ୍ତ ହୋଇଛନ୍ତି। ଏହାକୁ ମିଶାଇ କରୋନା ଆକ୍ରାନ୍ତ ସଂଖ୍ୟା ୭୪ଲକ୍ଷ ଅତିକ୍ରମ କରିଛି। ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ୭,୪୯୪,୫୫୨ରେ ପହଞ୍ଚିଛି। ସେହିପରି ମୃତ୍ୟୁ ସଂଖ୍ୟା ୧,୧୪,୦୩୧ରେ ପହଞ୍ଚି ଯାଇଛି। ଏବେ ଆକ୍ଟିଭ୍ ମାମଲା ୭,୮୩,୩୧୧ ରହିଥିବା ବେଳେ ୬୫,୯୭,୨୦୯ ଜଣ ସୁସ୍ଥ ହୋଇଛନ୍ତି।
ଦେଶରେ କରୋନା ସୁସ୍ଥ ହାର ଏବେ ୮୮ ପ୍ରତିଶତରେ ପହଞ୍ଚିଛି। ସେହିପରି ମୃତ୍ୟୁହାର ୧.୫ ପ୍ରତିଶତକୁ ହ୍ରାସ ପାଇଛି। ଦେଶରେ ପଜିଟିଭ୍ ହାର ୬.୪ ପ୍ରତିଶତ ହୋଇଛି। ଗତ ୨୪ ଘଣ୍ଟାରେ ଦେଶରେ ମୋଟ ୯ଲକ୍ଷ ୭୦ହଜାର ୧୬୩ କରୋନା ସାମ୍ପଲ୍ ଟେଷ୍ଟ କରାଯାଇଛି। ଏହାକୁ ମିଶାଇ ମୋଟ ୯ କୋଟି ୪୨ ଲକ୍ଷକ୍ ୨୪ହଜାର ୧୯୦ ସାମ୍ପଲ୍ ଟେଷ୍ଟ ହୋଇସାରିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
