ଆନନ୍ଦପୁର: ଆନନ୍ଦପୁରର ବେଲବାହାଳି ଠାରେ ଶନିବାର ଜଣେ ଯୁବକର ଆକ୍ରମଣରେ ଜଣେ ଅନ୍ଧୁଣୀ ମହିଳା ଗୁରୁତର ହୋଇ ଆନନ୍ଦପୁର ଡାକ୍ତରଖାନାରେ ଭର୍ତ୍ତି ହୋଇଛନ୍ତି। ଗୁରୁତର ହୋଇଥିବା ମହିଳା ଜଣକ ହେଲେ ବେଲବାହାଳି ନିରଞ୍ଜନ ଦେହୁରୀଙ୍କ ଅନ୍ଧୁଣୀ ପତ୍ନୀ ଅଞ୍ଜନା ଦେହୁରୀ। ଆକ୍ରମଣ କରିଥିବା ଯୁବକ ଜଣକ ହେଲେ ସେହି ଗାଁର ତପୁନ ଦେହୁରୀ।
ମହିଳା ଜଣଙ୍କ ଘରେ ଏକୁଟିଆ ଥିବାର ସୁଯୋଗ ନେଇ ପୂର୍ବ ଶତ୍ରୁତାକୁ କେନ୍ଦ୍ର କରି ଆକ୍ରମଣ କରିଥିବା ଅଞ୍ଜନାଙ୍କ ସ୍ୱାମୀ ନିରଞ୍ଜନ ଦାହୁରୀ ଘସିପୁରା ଥାନାରେ ଅଭିଯୋଗ କରିଛନ୍ତି।
ଏନେଇ ଅଞ୍ଜନା କହିଛନ୍ତି,“ବେଲବାହାଳି ଗ୍ରାମର ତପୁନ ଦେହୁରୀ ମତେ ଘରୁ ଟାଣି ଆଣି ଇଟାରେ ମୁଣ୍ଡକୁ ମାଡ ମାରିଥିଲେ। ଇଟାରେ ମାଡ ହେବାରୁ ମୁଣ୍ଡରେ ଗଭୀର କ୍ଷତ ହୋଇଛି। ମୁଁ ସେହିଠାରେ ଅଚେତ ହୋଇପଡିଥିଲି।”
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
