ନୟାଗଡ଼: ନୟାଗଡ଼ ପୋଲିସ୍ ରବିବାର ସାତ ଜଣ ନକଲି ସିଆର୍ପିଏଫ୍ ଯବାନଙ୍କୁ ଗିରଫ କରି କୋର୍ଟ ଚାଲାଣ କରିଛି। ସେମାନଙ୍କ ନିକଟରୁ ବୋଲେରୋ ଗାଡ଼ି, ନକଲି ପରିଚୟ ପତ୍ର, ୭ଟି ମୋବାଇଲ, ୧୨ ହଜାର ଟଙ୍କ। ଓ ସିମ୍କାର୍ଡ ପୋଲିସ୍ ଜବତ କରିଛି । ଗତକାଲି ଏମାନେ ବସଷ୍ଟାଣ୍ଡରେ ସନ୍ଦିଗ୍ଧ ଅବସ୍ଥାରେ ବୁଲୁଥିବା ବେଳେ ପୋଲିସ ଗିରଫ କରିଥିଲା। ଗିରଫ ଯୁବକମାନଙ୍କ ଘର ରାୟଗଡ଼ା, ନୂଆପଡ଼ା ଓ କଳାହାଣ୍ଡି ଜିଲ୍ଲାରେ ବୋଲି ଜଣାପଡ଼ିଛି। ଏହି ଯୁବକମାନଙ୍କ ନାଁରେ ପୂର୍ବରୁ ବିଭିନ୍ନ ଥାନାରେ ମାମଲା ଥିବା ଆଇଆଇସି ନାରାୟଣ ଚନ୍ଦ୍ର ବାରିକ୍ କହିଛନ୍ତି। ଏହି ଯୁବକମାନେ ଗାଡ଼ିରେ ପୋଲିସ୍ ପେଟ୍ଲ୍ ଓ ସିଆରପିଏଫ୍ ଡ୍ରେସ୍ ପିନ୍ଧି ନିଜକୁ ଯବାନର ପରିଚୟ ଦେଇଥାନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
