ପର୍ଶୁରାମ ଶତପଥୀ ହତ୍ୟା ମାମଲା: ଧୁବେଇ ପୋଢଙ୍କୁ ଜାମିନ୍ ଦେଲେ ସୁପ୍ରିମକୋର୍ଟ

ବଲାଙ୍ଗିର: ୧୯୭୪ ମସିହାରେ ବଲାଙ୍ଗିର ଜିଲ୍ଲାରେ ହୋଇଥିବା ବହୁ ଚର୍ଚ୍ଚିତ ପର୍ଶୁରାମ ଶତପଥୀ ହତ୍ୟା ମାମଲାର ଅନ୍ୟତମ ଅଭିଯୁକ୍ତ ଧୁବେଇ ପୋଢକୁ ସୁପ୍ରିମକୋର୍ଟ ଜାମିନ୍ ପ୍ରଦାନ କରିଛନ୍ତି।

ପ୍ରାୟ ୪୦ ବର୍ଷ ତଳର ଏହି ହତ୍ୟାକାଣ୍ଡ ଘଟଣାରେ କୋର୍ଟ ଗତବର୍ଷ ୯ ଜଣଙ୍କୁ ଦୋଷୀ ସାବ୍ୟସ୍ତ କରିଥିଲେ। ସେମାନଙ୍କ ମଧ୍ୟରୁ ଜୀବିତ ଥିବା ଧୁବେଇ ପୋଢଙ୍କୁ ମେ ୧୫ ତାରିଖରେ ଗିରଫ କରି କୋର୍ଟ ଚଲାଣ କରିଥିଲା ପୋଲିସ୍। ଅନ୍ୟତମ ଅଭିଯୁକ୍ତ ତଥା କଣ୍ଟାବାଞ୍ଜିର ପୂର୍ବତନ ବିଧାୟକ ପ୍ରସନ୍ନ ପାଲ୍ ଓ ଆର୍ତ୍ତତ୍ରାଣ ସିଂଦେଓ ଜୁନ୍ ମାସରେ ବଲାଙ୍ଗିର ଜିଲ୍ଲା ଦୌରାଜଜ୍‌ଙ୍କ ନିକଟରେ ଆତ୍ମସମର୍ପଣ କରିଥିଲେ। ସେମାନଙ୍କ ଭିତରୁ ପ୍ରସନ୍ନ ପାଲ୍ ଏବଂ ଆର୍ତ୍ତତ୍ରାଣ ସିଂଦେଓଙ୍କୁ ଗତ ୨୦୧୫, ସେପ୍ଟେମ୍ୱର ୨୪ ତାରିଖରେ ସୁପ୍ରିମକୋର୍ଟ ଜାମିନ୍ ପ୍ରଦାନ କରିଥିଲେ। ହେଲେ ଜେଲ୍‌ରେ ଥିବା ଧୁବେଇଙ୍କୁ ଆଜି ଜାମିନ୍ ମିଳିଛି। କାଗଜପତ୍ର ଆସିବା ପରେ ବଲାଙ୍ଗିର ଜିଲ୍ଲା କାରାଗାରରୁ ଧୁବେଇ ବାହାରିବେ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।