ବ୍ରହ୍ମପୁର: ରମେଶ ଜେନା ଲିଙ୍କରେ ଜମି ଠକେଇ ମାମଲାରେ ଗତ ୮ ତାରଖରୁ ଗିରଫ ହୋଇଥିବା ବିଲ୍ଡର ସାଇ ପଟ୍ଟନାୟକଙ୍କୁ ମଙ୍ଗଳବାରଠାରୁ ୩ ଦିନିଆ ରିମାଣ୍ଡରେ ନେଇଛି ସଦର ଥାନା ପୋଲିସ। ସାଇ ପଟ୍ଟନାୟକ ନିମଖଣ୍ଡି ଅଞ୍ଚଳରେ ୩ ଏକରରୁ ଅଧିକ ଜମି ଠକେଇ ଅଭିଯୋଗରେ ସଦର ଥାନାରେ ରମେଶ ଜେନା, ତାଙ୍କ ବାପା ଅରକ୍ଷିତ, ସହଯୋଗୀ ମୂରଲୀ ମୋହନ ଓ ବୁନା ସାହୁଙ୍କ ନାଁରେ ମାମଲା ରୁଜୁ ହୋଇଥିଲା। ତେବେ ଏହି ମାମଲାରେ ସାଇଙ୍କୁ ଗିରଫ କରି କୋର୍ଟ ଚାଲାଣ କରାଯାଇଥିଲା। ଏ ନେଇ ଅଧିକ ଜେରା ପାଇଁ ପୋଲିସ ତାଙ୍କୁ ରିମାଣ୍ଡରେ ନେଇଛି। ରମେଶଙ୍କୁ ପୋଲିସ ଆଗରୁ ୫ ଦିନିଆ ରିମାଣ୍ଡରେ ନେଇଥିବାରୁ ଉଭୟଙ୍କୁ ସାମ୍ନାସାମ୍ନୀ ଜେରା କରାଯାଉଥିବା ଜଣାପଡିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
