ବ୍ୟବସାୟୀଙ୍କ ଝୁଲନ୍ତା ଶବ ଉଦ୍ଧାର: ଅପହରଣ ପରେ ହତ୍ୟା ଅଭିଯୋଗ

ରାଉରକେଲା: ସୁନ୍ଦରଗଡ଼ର ଜଣେ ବ୍ୟବସାୟୀଙ୍କ ଝୁଲନ୍ତା ଶବ ବୀରମିତ୍ରପୁର ଅଞ୍ଚଳରୁ ଉଦ୍ଧାର କରାଯାଇଛି। ମୃତକ ଜଣଙ୍କ ହେଲେ ଦିଲଚାନ୍ଦ ଯାଦବ (୪୫)। ଅପହରଣ ପରେ ତାଙ୍କୁ ହତ୍ୟା କରାଯାଇ ଆତ୍ମହତ୍ୟା ରୂପ ଦେବାକୁ ଗଛରେ ଟାଙ୍ଗି ଦିଆଯାଇଥିବା ପରିବାର ଲୋକେ ଅଭିଯୋଗ କରିଛନ୍ତି। ପୋଲିସ ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି।

ଦିଲଚାନ୍ଦ ୩ ଲକ୍ଷ ଟଙ୍କା ଧରି ରାଉରକେଲାକୁ ଏକ ଟ୍ରକ୍‌ କିଣିବାକୁ ଆସିଥିଲେ। ବେଦବ୍ୟାସରେ ପହଞ୍ଚିବା ପରେ ତାଙ୍କର କୌଣସି ଖୋଜ ଖବର ମିଳି ନ ଥିଲା। ଆଜି ତାଙ୍କ ଝୁଲନ୍ତା ଶବ ଉଦ୍ଧାର କରାଯିବା ପରେ କେହି ତାଙ୍କୁ ଅପହରଣ କରି ହତ୍ୟା କରିଥିବା ପରିବାର ଲୋକେ ବୀରାମିତ୍ରପୁର ଥାନାରେ ଅଭିଯୋଗ କରିଛନ୍ତି।