ରାଉରକେଲା ଲୁଟ୍‌ ଘଟଣା: ୩ ଝାଡଖଣ୍ଡି ଲୁଟେରା ଗିରଫ, ପିସ୍ତଲ ଜବତ

ରାଉରକେଲା: ରାଉରକେଲାରେ ବନ୍ଧୁକ ଦେଖାଇ ଘର ଆଗରୁ ୧୦ ଲକ୍ଷ ଲୁଟ୍ ଘଟଣାରେ ସମ୍ପୃକ୍ତ ୩ ଜଣ ଅଭିଯୁକ୍ତଙ୍କୁ ପୋଲିସ ଗିରଫ କରିଛି। ଓଡିଶା-ଝାରଖଣ୍ଡ ସୀମାରୁ ସେମାନଙ୍କ ଗିରଫ କରାଯିବା ସହ ଏକ ପିସ୍ତଲ ଜବତ କରିଛି ପୋଲିସ।

ଗିରଫ ଅଭିଯୁକ୍ତମାନେ ଝାଡ଼ଖଣ୍ଡର ବୋଲି ପଶ୍ଚିମାଞ୍ଚଳ ଆଇଜି ସୂଚନା ଦେଇଛନ୍ତି।

ଗତକାଲି ରାତିରେ ୪ ଜଣ ଦୁର୍ବୃତ୍ତ ରାଜଗାଙ୍ଗପୁରର ଜଣେ ବ୍ୟବସାୟୀଙ୍କଠାରୁ ତାଙ୍କ ଘଣ ଆଗରେ ବନ୍ଧୁକ ଦେଖାଇ ୧୦ଲକ୍ଷ ଟଙ୍କା ଲୁଟି ନେଇଥିଲେ। ଯିବା ବେଳେ ଦୁର୍ବୃତ୍ତମାନେ ଏକ ବାଇକ୍‌ ଛାଡି ଯାଇଥିଲେ। ଯାହାକୁ ପୋଲିସ୍‌ ଜବତ କରିଛି।