ରାଉରକେଲା: ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ରାଉରକେଲାର ରାଜସ୍ୱ ବିଭାଗ ଆସିଷ୍ଟାଣ୍ଟ୍ କଲେକ୍ଟର ଗୋଲକ ବିହାରୀ ମଙ୍ଗରାଜଙ୍କ ଘରେ ଆଜି ଭିଜିଲାନ୍ସ ଚଢ଼ାଉ ହୋଇଛି। ରାଉରକେଲା ବାସନ୍ତୀନଗରସ୍ଥିତ ଘର ସମେତ ଖୋର୍ଦ୍ଧା ଜିଲ୍ଳା ବାଣପୁରରେ ଥିବା ପୈତୃକ ଘର ଓ ନୟାଗଡ଼ ଜିଲ୍ଳା ମୟୂରଝାଲିଆ ସ୍ଥିତ ଶ୍ୱଶୁର ଘରେ ମଧ୍ୟ ଏକକାଳୀନ ଚଢ଼ାଉ ଚାଲିଛି।
ଗୋଲକ ବିହାରୀ ସେକ୍ରେଟାରୀଏଟ୍ରେ ରାଜସ୍ୱ ବିଭାଗରେ କାର୍ଯ୍ୟ କରନ୍ତି।
ଭିଜିଲାନ୍ସ ଡିଏସ୍ପି ପୁରୁଷୋତ୍ତମ ସେଠୀ କହିଛନ୍ତି,“ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗ ଆସିବା ପରେ ତାଙ୍କ ରାଉରକେଲା ସ୍ଥିତ ବାସନ୍ତୀ କଲୋନୀରେ ଥିବା ବସଭବନ ଉପରେ ଚଢାଉ ଚାଲିଛି। ତା’ହସହ ତାଙ୍କ ଶ୍ୱଶୁର ଘର ନାୟଗଡ଼ ଜିଲ୍ଳା ମୟୂରଝାଲିଆ ଓ ପୈତୃକ ଘର ଖୋର୍ଦ୍ଧା ଜିଲ୍ଲା ବାଣପୁରରେ ମଧ୍ୟ ଚଢ଼ାଉ ହେଉଛି।”
ଖବର ଲେଖାଯିବା ସୁଦ୍ଧା ତାଙ୍କ ସମ୍ପତ୍ତି ମୂଲ୍ୟ ଆକଳନ କରାଯାଇ ନାହିଁ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।