ବାରିପଦା: ୭୦ରୁ ଊର୍ଦ୍ଧ୍ୱ ଝାଡଖଣ୍ଡି ହାତୀ ମୟୂରଭଞ୍ଜ ଦେଉଳି ରେଞ୍ଜ ମଧ୍ୟକୁ ପ୍ରବେଶ କରିଛନ୍ତି । ଏହି ହାତୀପଲ ଦିନବେଳା ଆଖପାଖର କ୍ଷେତରେ ପଶି ଧାନ ଖାଇବା ସହ ଦଳିଚକଟି ନଷ୍ଟ କରୁଛନ୍ତି । ସନ୍ଧ୍ୟା ହେଲେ ଦେଉଳି ରେଞ୍ଜର ଧୋବଣି, ଲୋଧାକୁଣ୍ଡିଆ ଜଙ୍ଗଲକୁ ଯାଇ ଆଶ୍ରୟ ନେଉଛନ୍ତି ।
ପ୍ରତିବର୍ଷ ଏହି ଝାଡଖଣ୍ଡି ହାତୀପଲ ନଭେମ୍ୱର ଶେଷ ସପ୍ତାହକୁ ଅଞ୍ଚଳକୁ ଆସିଥାନ୍ତି । ତେବେ ଚଳିତବର୍ଷ ଦୁଇ ସପ୍ତାହ ପୂର୍ବରୁ ଏମାନେ ଓଡିଶା ପ୍ରବେଶ କରିଛନ୍ତି। ଆଗକୁ ଆହୁରି ହାତୀ ଅଞ୍ଚଳରୁ ହାତୀ ଆସିବାର ଅନୁମାନ କରାଯାଉଛି । ଏହାକୁ ନେଇ ଅଞ୍ଚଳରେ ଭୟର ବାତାବରଣ ଖେଳିଯାଇଛି । ଅନ୍ୟପଟେ ହାତୀପଲଙ୍କୁ ଘଉଡାଇବାକୁ ବନ ବିଭାଗର ସମସ୍ତ ପ୍ରକାର ଉଦ୍ୟମ ଫେଲ ମାରିଛି। ହାତୀପଲଙ୍କୁ ଘଉଡାଇବାରେ ଜନସାଧାରଣ ସହଯୋଗ କରିବାକୁ ଡିଏଫ୍ଓ କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।