ପୁରୀ: ପୁରୀ-ହାୱଡ଼ା ଶତାବ୍ଦୀ ଏକ୍ସପ୍ରେସ ଟ୍ରେନ ବାତିଲ ଯୋଗୁଁ ଆଜି ପୁରୀ ରେଳ ଷ୍ଟେସନରେ ଉତ୍ତେଜନା ଦେଖାଯାଇଛି। ଟ୍ରେନ୍ ବାତିଲ ଯୋଗୁଁ ଷ୍ଟେସନରେ ଶହଶହ ଯାତ୍ରୀ ହନ୍ତସନ୍ତ ହୋଇଛନ୍ତି। ଦୀର୍ଘ ସମୟ ଧରି ଯାତ୍ରୀଙ୍କୁ ରେଳଷ୍ଟେସନ କର୍ତ୍ତୃପକ୍ଷଙ୍କ ପକ୍ଷରୁ କୌଣସି ପ୍ରକାର ସହଯୋଗ ଯୋଗାଇ ଦିଆଯାଇ ନ ଥିବା ଅଭିଯୋଗ ହୋଇଛି। ଉତ୍ତ୍ୟକ୍ତ ଯାତ୍ରୀମାନେ ରେଳ ଷ୍ଟେସନରେ ଧାରଣା ଦେଇଥିଲେ।ପୁରୀ-ହାୱଡ଼ା ଶତାବ୍ଦୀଏକ୍ସପ୍ରେସ ବାତିଲ ହେବ ବୋଲି କୌଣସି ସୂଚନା ଦିଆଯାଇ ନାହିଁ ବୋଲି ଯାତ୍ରୀମାନେ କହିଛନ୍ତି।
ଗତକାଲି ବାଲେଶ୍ୱର ମାର୍କୋଣାରେ ରେଳରୋକ ହୋଇଥିବାରୁ ପୁରୀରୁ ଶତାବ୍ଦୀ ଏକ୍ସପ୍ରେସ କୋଲକାତା ଯାଇଥିଲା,ତାହା ସେଠାରେ ବିଳମ୍ବ ପହଞ୍ଚିଥିଲା। ତେଣୁ ଆଜି ପୁରୀଠାରୁ ଶତାବ୍ଦୀ ଏକ୍ସପ୍ରେସ ଯିବାକୁ ବାତିଲ କରାଯାଇଛି। ଯାତ୍ରୀମାନଙ୍କ ବିଭିନ୍ନ ଟ୍ରେନରେ କୋଲକତା ଆଦି ସ୍ଥାନକୁ ଯିବା ପାଇଁ ସୁବିଧା କରାଯାଉଛି ।କିନ୍ତୁ ସେହି ଶତାବ୍ଦୀ ଏକ୍ସପ୍ରେସରେ ଯିବା ପାଇଁ ଯାତ୍ରୀ ଅଡ଼ି ବସିଥିଲେ ବୋଲି ରେଳ ଷ୍ଟେସନର ସୁପରିଟେଣ୍ଡେଣ୍ଟ କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।