ରଣବୀରଙ୍କ ଉପରେ ବିଗ୍‌ ବି ଖପ୍ପା: ଜାଣନ୍ତୁ କାହିଁକି ରାଗିଲେ

ମୁମ୍ବାଇ: ବଲିଉଡର ମହାନାୟକ ଅମିତାଭ ବଚ୍ଚନ ରଣବୀର କପୁରଙ୍କ ଉପରେ ରାଗିଛନ୍ତି। ରାଗିବାର କାରଣ ମଧ୍ୟ ରହିଛି। ରଣବୀର ଯେମିତି କାମ ବି କରିଛନ୍ତି ଯେ କେହି ବି ରାଗିବ। ଏ ତ ପୁଣି ବିଗ୍‌-ବି। ଯାହାଙ୍କୁ ଟେକ୍‌ ଝଲକ ପାଇବା ବହୁତ ବଡ଼ କଥା। ଏବେ ଆପଣ ଭାବୁଥିବେ ଅମିତାଭ କାହିଁକି ରଣବୀରଙ୍କ ଉପରେ ରାଗିଛନ୍ତି। ଆଉ ବେଶି ଏଣୁତେଣୁ ନ ଗପି ଆସନ୍ତୁ ସିଧା ଘଟଣାକୁ ଯିବା।

ଗତ ୬ ତାରିଖଣେ ରଣବୀରଙ୍କ ଜନ୍ମଦିନ ଥିଲା। ବହୁ କଳାକାର ଓ ପ୍ରଶଂସକ ତାଙ୍କୁ ଟ୍ୱିଟ୍‌ କରି ଅଭିନନ୍ଦନ ଜଣାଇଥିଲେ। ସେ ମଧ୍ୟ ସମସ୍ତଙ୍କୁ ରି-ଟ୍ୱିଟ୍‌ରେ ଧନ୍ୟବାଦ ଜଣାଇଥିଲେ। ହେଲେ ଅମିତାଭଙ୍କ ଟ୍ୱିଟର କୌଣସି ଉତ୍ତର ଦେଇ ନ ଥିଲେ। ଯାହା ବିଗ୍‌ ବିଙ୍କୁ ବହୁତ ବାଧିଥିଲା। ଏପରି ସ୍ଥିତିରେ ଅମିତାଭ ଆଉ ଏକ ଟ୍ୱିଟ କରି ଉଲ୍ଲେଖ କରିଥିଲେ- “ରଣବୀର ତୁମ ଜନ୍ମଦିନରେ ଏସଏମଏସ୍ କରି ଶୁଭେଚ୍ଛା ଜଣାଇଥିଲି। ଏହାର ଉତ୍ତର ତୁମେ ଏଯାଏ ଦେଇନାହଁ। ତୁମେ ଏହା ଦେଖିଛ ନାଁ ନାହିଁ ?”

ଅମିତାଭ ଟ୍ୱିଟ୍‌ର ଉତ୍ତର ଦେବାକୁ ଯାଇ ରଣବୀର ରି-ଟ୍ୱିଟ୍‌ କରିଥିଲେ। ସେ ଉଲ୍ଲେଖ କରିଥିଲେ, ମୋତେ ଜନ୍ମଦିନରେ  ଶୁଭେଚ୍ଛା ଜଣାଇଥିବାରୁ ଧନ୍ୟବାଦ। ମୋର ଏପରି କିଛି ଇଣ୍ଟେସନ୍‌ ନଥିଲା। ମୋ ଜନ୍ମଦିନରେ ପ୍ରଥମେ ଆପଣ ଶୁଭେଚ୍ଛା ଜଣାଇଥିଲେ। ଏପରି ଛୋଟ ଛୋଟ କଥା ହିଁ ଆପଣଙ୍କୁ ମହାନ ବନାଇଛି।