ନୂଆଦିଲ୍ଲୀ: ବଲିଉଡ୍ର ଟ୍ରାଜେଡ଼ି କିଙ୍ଗ୍ ଦିଲ୍ଲୀପ କୁମାର୍ଙ୍କ ଶରୀର ଅସୁସ୍ଥ ଯୋଗୁ ତାଙ୍କୁ ହସ୍ପିଟାଲ୍ରେ ଭର୍ତ୍ତି କରାଯାଇଛି। ତାଙ୍କର ଅଫିସିଆଲ୍ ଟ୍ୱିଟର୍ ଆକାଉଣ୍ଟ୍ରୁ ଏହି ଖବର ମିଳିଛି।
ସୂଚନା ଅନୁଯାୟୀ, ଦିଲ୍ଲୀପ୍ ମୁମ୍ୱାଇର ଲୀଳାବତୀ ହସ୍ପିଟାଲ୍ରେ ଭର୍ତ୍ତି ହୋଇଛନ୍ତି। ଛାତିରେ ଯନ୍ତ୍ରଣା ଏବଂ ଇନ୍ଫେକ୍ସନ୍ ଯୋଗୁ ତାଙ୍କୁ ହସ୍ପିଟାଲ୍ରେ ଭର୍ତ୍ତି କରାଯାଇଛି।
ଦିଲ୍ଲୀପ କୁମାର୍ଙ୍କ ଫ୍ୟାମିଲି ଡାକ୍ତର ରମେଶ ଶର୍ମାଙ୍କ କହିବା ଅନୁସାରେ, "ସେ ରୁଟିନ୍ ଚେକ୍ଅପ୍ ପାଇଁ ପ୍ରତି ବର୍ଷ ଲୀଳାବତୀ ହସ୍ପିଟାଲ୍କୁ ଆସିଥାନ୍ତି। ବର୍ତ୍ତମାନ ତାଙ୍କର କାଶ ହେବା ସହିତ ଛାତିରେ ଯନ୍ତ୍ରଣା ହେଉଛି। ଆଗାମୀ ତିନି ଦିନ ପାଇଁ ତାଙ୍କୁ ହସ୍ପିଟାଲ୍ରେ ରଖାଯିବ। ରିପୋର୍ଟ ଆସିବା ପରେ ତାଙ୍କୁ ହସ୍ପିଟାଲ୍ରୁ ଡିସ୍ଚାର୍ଜ କରାଯିବ। ବର୍ତ୍ତମାନ ତାଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ରହିଛି। "
ବର୍ତ୍ତମାନ ଦିଲ୍ଲୀପ କୁମାର୍ଙ୍କୁ ୯୫ ବର୍ଷ। ତାଙ୍କର ଜନ୍ମ ପେଶାବାର ସହର(ବର୍ତ୍ତମାନ ପାକିସ୍ତାନରେ ଅବସ୍ଥିତ) ୧୧ ଡିସେମ୍ୱର, ୧୯୨୨ ମସିହାରେ ହୋଇଥିଲା। ୧୯୪୪ ମସିହାରେ ଫିଲ୍ମ 'ଜୁଆର ଭଟ୍ଟା'ରୁ ତାଙ୍କ ଫିଲ୍ମ କ୍ୟାରିୟର ଆରମ୍ଭ ହୋଇ ଥିଲା। ପରେ ପରେ ସେ 'କ୍ରାନ୍ତି', 'ମୁଗ୍ଲେ-ଏ-ଆଜମ୍', 'ଦେବଦାସ', 'ଗଙ୍ଗାଯମୁନା', 'ମଧୁମତୀ','ନୟା ଦୌର', 'କୋହିନୁର୍', 'ରାମ ଔର ଶାମ୍', 'ଆଜାଦ୍', 'ସୌଦାଗର୍' ଭଳି ହିଟ୍ ଫିଲ୍ମରେ ଅଭିନୟ କରି ଦର୍ଶକଙ୍କ ମନ ଛୁଇଁ ପାରିଥିଲେ। ତାଙ୍କୁ ପାକିସ୍ତାନର ସର୍ବୋଚ୍ଚ ସମ୍ମାନ 'ନିଶାନ୍-ଏ-ଇମ୍ତିୟାଜ୍'ରେ ସମ୍ମାନିତ କରାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
