ରିୟା ଓ ଶ୍ରୁତିଙ୍କୁ ହ୍ୱାଟ୍ସଆପ୍‌ରେ ମେସେଜ୍ ପଠାଇଥିଲେ ସୁଶାନ୍ତଙ୍କ ବାପା, କରିଥିଲେ ଏମିତି ଅନୁରୋଧ

ମୁମ୍ବାଇ: ବଲିଉଡ୍ ଅଭିନେତା ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁ ଉପରୁ ରହସ୍ୟର ପରଦା ଉଠି ନଥିବା ବେଳେ ପ୍ରତିଦିନ ନୂଆ ନୂଆ କଥା ସାମ୍ନାକୁ ଆସୁଛି। ଏହିକ୍ରମରେ ଏବେ ସାମ୍ନାକୁ ଆସିଛି ସୁଶାନ୍ତ ସିଂହ ରାଜପୁତଙ୍କ ବାପା କେ.କେ ସିଂହଙ୍କ କିଛି ହ୍ୱାଟ୍ସଆପ୍ ମେସେଜ୍ ଯାହା ସେ ରିୟା ଚକ୍ରବର୍ତ୍ତୀ ଓ ଶ୍ରୁତି ମୋଦିଙ୍କ ନିକଟକୁ ପଠାଇଥିଲେ। ଏହି ମେସେଜ୍‌ ଗୁଡ଼ିକରୁ ଜଣାପଡ଼ୁଛି ଯେ ସୁଶାନ୍ତଙ୍କ ସହିତ ତାଙ୍କ ବାପା କଥା ହୋଇପାରୁ ନଥିଲେ ଓ ତାଙ୍କ ବିଷୟରେ ଅନେକ କଥା ଜାଣି ପାରୁ ନଥିଲେ। କେ.କେ ସିଂହ ପଠାଇଥିବା ହ୍ୱାଟ୍ସଆପ୍ ମେସେଜ୍‌ ଗୁଡ଼ିକ ଗତବର୍ଷର।

୨୦୧୯ ନଭେମ୍ବର ୨୯ ତାରିଖରେ ରିୟାଙ୍କୁ ସେ ମେସେଜ୍ ପଠାଇଥିଲେ। ଦିନ ପ୍ରାୟ ସାଢ଼େ ୧୨ଟା ବେଳେ ସେ ଏହି ମେସେଜ୍ ପଠାଇଥିଲେ। ଏଥିରେ ସେ ଲେଖିଥିଲେ, ‘ତୁମେ ଜାଣିଲ ଯେ ମୁଁ ସୁଶାନ୍ତର ବାପା। ତା’ପରେ ବି କାହିଁକି କଥା ହେଲ ନାହିଁ। କଥା କ’ଣ? ବନ୍ଧୁ ସାଜି ଯଦି ତା’ର ଦେଖାଶୁଣା କରୁଛ ଓ ଚିକିତ୍ସା କରୁଛ, ତା’ହେଲେ ଠିକ୍ ଅଛି। କିନ୍ତୁ ବାପା ହିସାବରେ ମୋର ବି ସୁଶାନ୍ତ ବିଷୟରେ ସବୁ କଥା ଜାଣିବା ଦରକାର। ତେଣୁ ଫୋନ୍ କରି ମୋତେ ସବୁ କଥା କୁହ।’

ସେଦିନ ରିୟାଙ୍କ ସହିତ ଶ୍ରୁତି ମୋଦିଙ୍କୁ ବି କେ.କେ ସିଂହ ମେସେଜ୍ ପଠାଇଥିଲେ। ସେ ସମୟରେ ଶ୍ରୁତି ମୋଦି ଥିଲେ ସୁଶାନ୍ତ ସିଂହ ରାଜପୁତଙ୍କ ବିଜ୍‌ନେସ୍ ମ୍ୟାନେଜର।

ଶ୍ରୁତି ମୋଦିଙ୍କୁ ପଠାଇଥିବା ମେସେଜ୍‌ରେ କେ.କେ ସିଂହ ଲେଖିଥିଲେ, ସେ (ସୁଶାନ୍ତ) ଏବେ କେମିତି ସ୍ଥିତିରେ ଅଛି। ସେ ନେଇ କଥା ହେବାକୁ ଚାହୁଁଥିଲି। କାଲି ସୁଶାନ୍ତ ସହିତ କଥା ହୋଇଥିଲି। ସେ ବହୁତ ଚିନ୍ତିତ ଥିବା କହିଥିଲା। ଏବେ ତୁମେ ଭାବ ଯେ ଏହା ଜାଣିଲା ପରେ ଜଣେ ବାପାକୁ କେତେ ଚିନ୍ତା ଲାଗିବ। ସେଥିପାଇଁ ତୁମ ସହିତ କଥା ହେବାକୁ ଚାହୁଁଥିଲି। ତୁମେ କଥା ହେଉ ନଥିବା ଯୋଗୁ ମୁଁ ମୁମ୍ବାଇ ଯିବାକୁ ଚାହୁଁଛି। ବିମାନ ଟିକେଟ୍ ପଠାଇ ଦିଅ।

ସୂଚନାଯୋଗ୍ୟ, ସୁଶାନ୍ତଙ୍କ ଟଙ୍କା ହଡ଼ପ ଅଭିଯୋଗରେ ୟା ଭିତରେ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଦୁଇ ଥର ରିୟା ଚକ୍ରବର୍ତ୍ତୀଙ୍କୁ ପଚରାଉଚରା କରିସାରିଛି। ତାଙ୍କ ବାପା ଓ ଭାଇଙ୍କୁ ବି ଇଡି ପଚରାଉଚରା କରିଛି। ଏହା ସହିତ ଶ୍ରୁତି ମୋଦି ବି ଇଡି ନିକଟରେ ହାଜର ହୋଇଥିଲେ। ସୁଶାନ୍ତଙ୍କ ବ୍ୟାଙ୍କ୍ ଆକାଉଣ୍ଟରୁ ୧୫ କୋଟି ଟଙ୍କା ହଡ଼ପ କରାଯାଇଥିବା ଅଭିଯୋଗ ହୋଇଛି।

ଆହୁରି ପଢ଼ନ୍ତୁ

ଖୁବ୍‌ ଶୀଘ୍ର ବଜାରରେ ମିଳିବ କରୋନା ଔଷଧ ‘କରୋନାଭିର’

ଦୋକାନ ଉପରେ ଚଢ଼ି ଓଲଟି ପଡ଼ିଲା ପଥର ବୋଝେଇ ଟ୍ରକ୍

ଶୁଦ୍ଧିକ୍ରିୟାରେ ଯୋଗ ଦେଇ ଫେରୁଥିବା ବେଳେ ଚାଲିଗଲା ଜୀବନ

ବିରାଟଙ୍କ ଟ୍ୱିଟ୍‌ର ଜବାବ ଦେଇ ଅଭିନନ୍ଦନ ଜଣାଇଲେ ପ୍ରଧାନମନ୍ତ୍ରୀ

ମୃତ୍ୟୁ ପୂର୍ବରୁ ଦିଶା ସାଲିନଙ୍କ ଶରୀରରେ ରହିଛି ଆଘାତ: ଫରେନସିକ୍ ବିଶେଷଜ୍ଞ

BS-IV ଡିଜେଲ୍ ଗାଡ଼ି ରେଜିଷ୍ଟ୍ରେସନ ନେଇ ଅନୁମତି ଦେଲେ ସୁପ୍ରିମକୋର୍ଟ, ଆପଣଙ୍କୁ କେତେ ଫାଇଦା?

କରୋନା ପଜିଟିଭ୍ କହି ଗାଏବ ହୋଇଯାଇଥିଲେ ସ୍ୱାମୀ, ଦେଢ଼ ମାସ ପରେ ପ୍ରେମିକାଙ୍କ ଘରୁ ଉଦ୍ଧାର କଲା ପୁଲିସ୍

ଆଇପିଏଲ୍ ପାଇଁ ଦୁବାଇ ପହଞ୍ଚିଲେ ଇଂଲିଶ ଓ ଅଷ୍ଟ୍ରେଲୀୟ ଖେଳାଳି

ଓଡ଼ିଶା ସରକାରଙ୍କ ଭଳି ଆଇନ୍ ଆଣିବେ ଯୋଗୀ ସରକାର

ସୁଶାନ୍ତ ସିଂ ମୃତ୍ୟୁ ମାମଲା: ସଲମାନ, କରଣ ଜୋହରଙ୍କୁ କୋର୍ଟରେ ହାଜର ହେବାକୁ ନୋଟିସ୍

କରାେନା ବଦଳାଇ ଦେଲା ଲୋକଙ୍କ କିଣିବା ରୁଚି

ପଡ଼ିଆରେ ବଜ୍ରପାତ, ଫୁଟବଲ୍ ଖେଳାଳିଙ୍କ ମୃତ୍ୟୁ