ମୁମ୍ବାଇ: ଉଭୟ ସଞ୍ଜୟ ଦତ୍ତ ଓ ଐଶ୍ୱର୍ଯ୍ୟା ରାୟ ବଚ୍ଚନ ହେଉଛନ୍ତି ବଲିଉଡ୍ର ସଫଳ କଳାକାର। ତେବେ ସଞ୍ଜୟ ଦତ୍ତ ଯେତେବେଳେ ଐଶ୍ୱର୍ଯ୍ୟାଙ୍କୁ ପ୍ରଥମ ଥର ଦେଖିଥିଲେ ସେତେବେଳେ ଆଶ୍ଚର୍ଯ୍ୟ ହୋଇଯାଇଥିଲେ। ସେ ଐଶ୍ୱର୍ଯ୍ୟାଙ୍କୁ ପ୍ରଥମେ ଏକ ଥଣ୍ଡାପାନୀୟର ବିଜ୍ଞାପନରେ ଦେଖିଥିଲେ ଏବଂ ତାଙ୍କର ସୌନ୍ଦର୍ଯ୍ୟ ଦେଖି ଆଶ୍ଚର୍ଯ୍ୟ ହୋଇଯାଇଥିଲେ। ସେତେବେଳେ ଐଶ୍ୱର୍ଯ୍ୟା ଫିଲ୍ମ ଇଣ୍ଡଷ୍ଟ୍ରୀରେ ପାଦ ଥାପି ନଥିଲେ। ଥରେ ଏକ ସାକ୍ଷାତକାରରେ ସଞ୍ଜୟ ଦତ୍ତ ନିଜେ ଏ ସଂପର୍କରେ କହିଥିଲେ।
ସଞ୍ଜୟ କହିଥିଲେ ଯେ ଐଶ୍ୱର୍ଯ୍ୟାଙ୍କୁ ଦେଖି ତାଙ୍କ ହୋସ୍ ଉଡ଼ିଯାଇଥିଲା। ସେ ସଙ୍ଗେ ସଙ୍ଗେ ପଚାରିଥିଲେ ଯେ ଏହି ସୁନ୍ଦରୀ ଝିଅଟି କିଏ? ତେବେ ତାଙ୍କର ଦୁଇ ଭଉଣୀ ଐଶ୍ୱର୍ଯ୍ୟାଙ୍କ ଠାରୁ ଦୂରେଇ ରହିବାକୁ ତାଙ୍କୁ ତାଗିଦ୍ କରି ଥିଲେ ବୋଲି ସଞ୍ଜୟ କହିଥିଲେ। କାରଣ ସେତେବେଳେ ସଞ୍ଜୟଙ୍କ ଛବି ଖରାପ ହୋଇସାରିଥିଲା ଓ ତାଙ୍କୁ ବ୍ୟାଡ୍ ବୟର ପରିଚୟ ମିଳିଥିଲା। ଝିଅମାନଙ୍କ ସହିତ ତାଙ୍କର ସଂପର୍କ କଥା ପଦାରେ ପଡ଼ିସାରିଥିଲା।
ସଞ୍ଜୟ କହିଥିଲେ ଯେ ଐଶ୍ୱର୍ଯ୍ୟାଙ୍କୁ ନ ଭେଟିବାକୁ ତାଙ୍କ ଭଉଣୀମାନେ ତାଙ୍କୁ ଚେତାବନୀ ଦେଇଥିଲେ। ଏହା ସହିତ କେବେ ବି ଐଶ୍ୱର୍ଯ୍ୟାଙ୍କୁ ଫୋନ୍ ନ କରିବାକୁ ଓ ଫୁଲ ନ ପଠାଇବାକୁ ସେମାନେ କହିଥିଲେ।
ସୂଚନାଯୋଗ୍ୟ, ‘ଶବ୍ଦ’ ଓ ‘ହମ୍ କିସି ସେ କମ୍ ନହିଁ’ ଫିଲ୍ମରେ ସଞ୍ଜୟ ଓ ଐଶ୍ୱର୍ଯ୍ୟା ଏକାଠି କାମ କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
