ମୁମ୍ବାଇ: ବଲିଉଡର ଅନେକ ଅଭିନେତା ଅଭିନେତ୍ରୀ ଡିପ୍ରେସନର ଶିକାର ହୋଇଛନ୍ତି । ଅନେକ ଥର ଏନେଇ ଚର୍ଚ୍ଚ ମଧ୍ୟ ହୋଇଛି । ଅଭିନେତା ସୁଶାନ୍ତ ସିଂହ ରାଜପୁତ ଡିପ୍ରେସନରେ ଥିବା କଥା ସାମ୍ନାକୁ ଆସିବା ପରେ ଏହାକୁ ନେଇ ଚର୍ଚ୍ଚ ଆହୁରି ବଢ଼ିଥିଲା । କଙ୍ଗନା ରଣାୱତଙ୍କ ଠାରୁ ଆରମ୍ଭ କରି ଦୀପିକା ପାଦୁକୋନ, ସମେସ୍ତ ଅବସାଦର ଶିକାର ହୋଇଥିବା କଥା ସର୍ବସମୁଖରେ ସ୍ୱୀକାର କରିଛନ୍ତି । ଏବେ ଏଥିରେ ବଲିଉଡର ବାଦଶାହା ଶାହାରୁଖ ଖାନଙ୍କ ନାଁ ଯୋଡ଼ି ହୋଇଛି।
ଏକ ଜାତୀୟ ଗଣମାଧ୍ୟକୁ ଦେଇଥିବା ସାକ୍ଷାତକାରରେ ଶାହାରୁଖ ଡିପ୍ରେସନର ଶିକାର ହୋଇଥିବା କଥା ସ୍ୱୀକାର କରିଛନ୍ତି । ସେ କହିଛନ୍ତି, ୨୦୦୮ରେ ଶୁଟିଂ ସମୟରେ ତାଙ୍କ କାନ୍ଧ ସର୍ଜରୀ କରିବାକୁ ପଡିଥିଲା । ଏହି ସମୟରେ ସେ ନିଜକୁ ବହୁତ ଏକୁଟିଆ ଅନୁଭବ କରିଥିଲେ ଏବଂ ଡିପ୍ରେସନର ଶିକାର ହୋଇଥିଲେ।
ଶାହାରୁଖ କହିଛନ୍ତି, “ଫିଲ୍ମରେ ଦର୍ଶକେ ଯେଉଁଭଳି ମତେ ଦେଖୁଛନ୍ତି, ପ୍ରକୃତ ଜୀବନରେ କିନ୍ତୁ ମୁଁ ପୂରା ଭିନ୍ନ । ମୁଁ ବହୁତ ଶାନ୍ତ ଏବଂ ଅଧିକାଂଶ ସମୟ ଏକୁଟିଆ ରୁହେ । ମୁଁ ମୋ ଫିଲିଙ୍ଗସ୍ ଶେଆର କରିପାରେ ନାହିଁ । ଏଥିପାଇଁ ଅଧିକାଂଶ ସମୟରେ ଲୋକେ ମତେ ଭୁଲ ବୁଝି ନିଅନ୍ତି।”
ସୂଚନାଯୋଗ୍ୟ, ୨୦୧୮ ପରଠାରୁ କିଙ୍ଗ ଖାନ ଶାହାରୁଖଙ୍କ କୌଣସି ଫିଲ୍ମ ପରଦାକୁ ଆସି ନାହିଁ । ଶେଷଥର ଶାହାରୁଖଙ୍କୁ ଫିଲ୍ମ ’ଜିରୋ’ରେ ଦେଖିବାକୁ ମିଳିଥିଲା । ତେବେ ଫିଲ୍ମଟି ବକ୍ସ ଅଫିସରେ ଭଲ ବ୍ୟବସାୟ କରିପାରିନଥିଲା । ଦୁଇ ବର୍ଷର ବ୍ରେକ ପରେ ଏବେ ଶାହାରୁଖ ତାଙ୍କ ଅପକମିଂ ଫିଲ୍ମ ‘ପଠାନ’ରେ ନଜର ଆସିବ । ଏଥିପାଇଁ ସେ ଶୁଟିଂ ମଧ୍ୟ ଆରମ୍ଭ କରିସାରିଲେଣି । ଏହି ଆକ୍ସନ ଥ୍ରୀଲର ଫିଲ୍ମରେ ଶାହାରୁଖଙ୍କ ସହ ଜନ ଅବ୍ରାହମ ଏବଂ ଦୀପିକା ପାଦୁକୋନ ମୁଖ୍ୟ ଭୂମିକାରେ ନଜର ଆସିବେ ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
