ହାପି ବାର୍ଥ ଡେ’ କପିଲ୍‌

ମୁମ୍ୱାଇ: କମେଡିୟାନ୍ କପିଲ୍ ଶର୍ମାଙ୍କ ଆଜି ଜନ୍ମ ଦିନ। ଏଥିପାଇଁ ବି-ଟାଉନ୍‌ର ବହୁ କଳାକାର ତାଙ୍କୁ ଜନ୍ମ ଦିନର ଅଭିନନ୍ଦନ ଜଣାଇଛନ୍ତି। ୧୯୮୧ ଏପ୍ରିଲ ୨ ତାରିଖରେ ପଞ୍ଜାବର ଅମୃତସରରେ ସେ ଜନ୍ମ ଗ୍ରହଣ କରିଥିଲେ। ସେ ଏକାଧାରରେ ଜଣେ କମେଡିୟାନ୍, ଅଭିନେତା, କଣ୍ଠଶିଳ୍ପୀ,ପ୍ରଯୋଜକ ଓ ଉପସ୍ଥାପକ।

କପିଲ୍ ‘ଦ ଗ୍ରେଟ୍ ଇଣ୍ଡିଆନ୍ ଲାଫ୍‌ଟର ଚ୍ୟାଲେଞ୍ଜ-୩’ର ବିଜେତା ଥିଲେ। କପିଲ୍‌ଙ୍କ ‘ସମଶେର ସିଂ’ ଚରିତ୍ରକୁ ଦର୍ଶକ ବେଶ୍ ପସନ୍ଦ କରିଛନ୍ତି। ତାଙ୍କ ଅଭିନୀତ ରୋମାଣ୍ଟିକ୍-କମେଡି ଫିଲ୍ମ ‘କିସ୍ କିସ୍‌କୋ ପ୍ୟାର୍‌ କରୁ’ ୨୫ ସେପ୍ଟେମ୍ୱର ୨୦୧୫ରେ ରିଲିଜ୍‌ ହୋଇଥିଲା।