ହାଇଦ୍ରାବାଦ: ନିକଟରେ ତେଲେଙ୍ଗାନାରେ ଘଟିଛି ଲଜ୍ଜାଜନକ ଘଟଣା। ମାତ୍ର ୬ ବର୍ଷର ଜଣେ ନାବାଳିକା ଯୌନ ନିର୍ଯାତନାର ଶିକାର ହୋଇଛି। ଏହି ଘଟଣା ଏବେ ସମସ୍ତଙ୍କୁ ଥରାଇ ଦେଇଛି। ଏହାକୁ ନେଇ ଚାରିଆଡୁ ବିରୋଧର ସ୍ୱର ଉଠିଛି। ଏପରିକି ସାଉଥ ସୁପରଷ୍ଟାର ମହେଶ ବାବୁଙ୍କୁ ମଧ୍ୟ ଏହି ଘଟଣା କ୍ରୋଧିତ କରିଦେଇଛି।
ମହେଶ ବାବୁ ଟୁଇଟ୍ କରି ଏହି ଘଟଣାକୁ ହୃଦୟ ବିଦାରକ ବୋଲି ବର୍ଣ୍ଣନା କରିଛନ୍ତି। ଏଥିସହ “ଆମ ଝିଅମାନେ କେବେ ସୁରକ୍ଷିତ ରହିବେ?” ବୋଲି ସେ ପ୍ରଶ୍ନ ପଚାରିଛନ୍ତି।
ମହେଶ ବାବୁ ତାଙ୍କ ଅଫିସିଆଲ୍ ଟ୍ୱିଟର ହ୍ୟାଣ୍ଡେଲରେ ଲେଖିଛନ୍ତି, ‘ସିଙ୍ଗାରେନି କଲୋନୀରେ ଜଣେ ୬ ବର୍ଷର ବାଳିକାଙ୍କ ବିରୋଧରେ ହୋଇଥିବା ଜଘନ୍ୟ ଅପରାଧ, ଏହା ସ୍ଣରଣ କରାଏ ଯେ ଆମେ କେତେ ତଳକୁ ଖସିଯାଇଛୁ। ଆମ ଝିଅମାନେ କେବେ ସୁରକ୍ଷିତ ରହିବେ?, ଏହା ସର୍ବଦା ଏକ ଚିନ୍ତାର ପ୍ରଶ୍ନ। ପୀଡିତାଙ୍କ ପରିବାର ବର୍ତ୍ତମାନ କେଉଁ ପର୍ଯ୍ୟାୟ ଦେଇ ଗତି କରୁଥିବ ତାହା କଳ୍ପନା କରି ହେବନାହିଁ।’
ଅନ୍ୟ ଏକ ଟ୍ୱିଟରେ ସେ ଯଥାଶୀଘ୍ର କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିବେଦନ କରିଛନ୍ତି। ସାଉଥ ଅଭିନେତା ଲେଖିଛନ୍ତି, ‘ଏହି ଘଟଣାରେ ଶୀଘ୍ର କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ମୁଁ କର୍ତ୍ତୃପକ୍ଷଙ୍କୁ ନିବେଦନ କରୁଛି। ପିଡିତା ଏବଂ ତାଙ୍କ ପରିବାରକୁ ନ୍ୟାୟ ପ୍ରଦାନ କରିବାକୁ ମହେଶ ଦାବି କରିଛନ୍ତି। ମହେଶ ବାବୁଙ୍କ ଏହି ଟୁଇଟ୍ ପରେ ଅନେକ ସେଲିବ୍ରିଟି ମଧ୍ୟ ଏହି ପ୍ରସଙ୍ଗରେ ସ୍ୱର ଉଠାଇଛନ୍ତି। ସେମାନେ ନିଜ ନିଜର ମତାମତ ଦେଇଛନ୍ତି।
https://twitter.com/urstrulyMahesh/status/1437789950439837697?s=20
ସୂଚନା ମୁତାବକ, ସେପ୍ଟେମ୍ବର ୯ ତାରିଖରେ ହାଇଦ୍ରାବାଦର ସିଙ୍ଗାରେନି କଲୋନୀର ଜଣେ ୬ ବର୍ଷର ନାବାଳିକା ନିଖୋଜ ହୋଇଯାଇଥିଲା। ପରେ ତାଙ୍କ ମୃତଦେହ ଏକ ନିର୍ଜନ ସ୍ଥାନରୁ ମିଳିଥିଲ। ପୀଡିତା ଜଣେ ଅଟୋ ଡ୍ରାଇଭରର ଝିଅ।
ମହେଶ ବାବୁ ସାଉଥ ଫିଲ୍ମର ଜଣେ ଜଣାଶୁଣା ଚେହେରା। ଆଜିକାଲି ସେ ତାଙ୍କ ଆଗାମୀ ଚଳଚ୍ଚିତ୍ର 'ସାର୍କୁରୁ ବାରୀ ପାଟା'ରେ ବ୍ୟସ୍ତ ଅଛନ୍ତି। ଏଥିରେ ଅଭିନେତ୍ରୀ କିର୍ତ୍ତୀ ସୁରେଶ ତାଙ୍କ ସହ ମୁଖ୍ୟ ଭୂମିକାରେ ନଜର ଆସିବେ। ଏହାର ନିର୍ଦ୍ଦେଶନା ପର୍ଶୁରାମ ଦେଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
