ମୁମ୍ବାଇ: ବଲିଉଡର ଚୁଲବୁଲି ଅଭିନେତ୍ରୀ ଦୀପିକା ପାଦୁକନଙ୍କୁ ଟ୍ୱିଟ୍ କରି ନିର୍ବନ୍ଧ ପାଇଁ ଶୁଭେଚ୍ଛା ଜଣାଇ ବଲିଉଡ୍ ଅଭିନେତ୍ରୀ ତଥା ବିଜେପି ସାଂସଦ ହେମା ମାଳିନୀ ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛନ୍ତି। ସେ ଲେଖିଛନ୍ତି, ‘ମୁଁ ଭଗବାନଙ୍କ ପାଖରେ ପ୍ରାର୍ଥନା କରୁଛି ଦୀପିକାଙ୍କ ଆଗାମୀ ଜୀବନ ସୁଖମୟ ହେଉ’।
ଏହି ଟ୍ୱିଟ୍ ଦେଖି ଦୀପିକାଙ୍କ ସମସ୍ତଙ୍କ ଫ୍ୟାନ ଓ ଟ୍ୱିଟର ୟୁଜରର୍ସମାନଙ୍କ ମଧ୍ୟରେ ଚର୍ଚ୍ଚା ଆରମ୍ଭ ହୋଇଯାଇଛି।
ଦୀପିକା ତାଙ୍କ ଫିଲ୍ମ ସୁଟିଙ୍ଗ୍ ପାଇଁ ଟୋରେଣ୍ଟୋରେ ଅଛନ୍ତି। ରଣବୀର ପ୍ୟାରିସରେ ଅଛନ୍ତି। ତାହାହେଲେ ତାଙ୍କ ଦୁଇ ଜଣଙ୍କ ନିର୍ବନ୍ଧ ହେଲା କିପରି ବୋଲି ଦୀପିକାଙ୍କ ଫ୍ୟାନମାନେ ଟ୍ୱିଟ୍ କରିଛନ୍ତି।
ଦୀପିକାଙ୍କ ଫ୍ୟାନମାନଙ୍କର ଟ୍ୱିଟ୍ ଦେଖି ହେମାମାଳିନୀ କହିଛନ୍ତି, “ମୁଁ ବଲିଉଡ୍ ଅଭିନେତ୍ରୀ ଦୀପିକା ପାଦୁକନଙ୍କୁ ନିର୍ବନ୍ଧ ପାଇଁ ଶୁଭେଚ୍ଛା ଜଣାଇ ନ ଥିଲି। ମୋର ଜଣେ ଅନୁଗାମୀଙ୍କ ନାଁ ଦୀପିକା। ମୁଁ ତାଙ୍କୁ ଶୁଭେଚ୍ଛା ଜଣାଇଥିଲି।”
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
