‘ରଇସ୍‌’ରେ ଏକ ସ୍ପେସିଆଲ୍‌ ସଙ୍ଗରେ ସନ୍ନୀ ଲିଓନ

ମୁମ୍ବାଇ: ଦିଲ୍‌ୱାଲେ ଷ୍ଟାର ଶାହାରୁଖ୍‌ ଖାନ୍‌ ଶୁକ୍ରବାର ତାଙ୍କ ଅଭିନୀତ ଫିଲ୍ମ ‘ରଇସ୍‌’ର ଏକ ଗୀତର ସୁଟିଂ ଆରମ୍ଭ କରିଛନ୍ତି। ଏଥିରେ ଲିଡ୍‌ ରୋଲ୍‌ରେ ରହିଛନ୍ତି ରାଗିଣୀ ଏମଏମଏସ୍‌-୨ ଅଭିନେତ୍ରୀ ସନ୍ନୀ ଲିଓନ। ଗୀତଟି ୮୦ ଦଶକର ଫିଲ୍ମ ‘କୁର୍ବାନୀ’ର ହିଟ୍‌ସ ସଙ୍ଗ ‘ଲୈଲା ଓ ଲୈଲା’ର ରିମେକ୍‌। ଏହି ଗୀତଟିର ପ୍ରକୃତ ଟ୍ରାକକୁ ଫିରୋଜ ଖାନ୍‌ ଓ ଜୀନତ୍‌ ଅମ୍ମାନ୍‌ ଲେଖିଛନ୍ତି।  ଏହି ଗୀତଟିରେ ଦେଖିବାକୁ ମିଳିବ ସନ୍ନୀଙ୍କ ହଟ୍‌ ଆନ୍ଦାଜ୍‌। ସନ୍ନୀଙ୍କୁ ଏହି ଗୀତଟିରେ ଜଣେ ବାର ଗାର୍ଲ ଭାବେ ମଦ ବିକ୍ରି କରିବା ସହ ଡ୍ୟାନ୍ସ କରୁଥିବା ଦୃଶ୍ୟରେ ଦେଖିବାକୁ ମିଳିବ।

ଏଥିପାଇଁ ‘ରଇସ୍‌’ ନିର୍ଦ୍ଦେଶକ ରାହୁଲ ଧୋଲକିଆ ୮୦ ଦଶକର ବାର ପରି ସେଟ୍‌ ସଜାଇଛନ୍ତି। ଏହାକୁ ନେଇ ପୂରା ଟିମ୍‌ ବେଶ୍‌ ଉତ୍ସାହିତ ଅଛନ୍ତି। ଫିଲ୍ମଟି ଆସନ୍ତା ଜୁଲାଇ ୩ ତାରିଖରେ ରିଲିଜ୍‌ ହେବ।