ମୁମ୍ବାଇ: ୨୦୧୨ର ବ୍ଲକ୍ବଷ୍ଟର ଫିଲ୍ମ ‘ଏକ୍ ଥା ଟାଇଗର’ର ସିକ୍ୟୁଏଲ୍ ‘ଟାଇଗର ଜିନ୍ଦା ହୈ’ ହେଉଛି ସଲମାନ୍ ଖାନ୍ଙ୍କ ଆଗାମୀ ଫିଲ୍ମ। ‘ଟ୍ୟୁବ୍ଲାଇଟ୍’ ପରେ ଏହି ଫିଲ୍ମ ପରଦାକୁ ଆସୁଛି। ‘ଏକ୍ ଥା ଟାଇଗର’ର ଫିଲ୍ମର ନିର୍ଦ୍ଦେଶନା କବୀର ଖାନ ଦେଇଥିବା ବେଳେ ‘ଟାଇଗର ଜିନ୍ଦା ହୈ’ର ନିର୍ଦ୍ଦେଶନା ଦେବେ ଅଲ୍ଲି ଆବ୍ବାସ୍ ଜାଫର ।
ସଲମାନଙ୍କ ଶେଷ ଫିଲ୍ମ ‘ସୁଲତାନ୍’ ୩୦୦ କୋଟି କ୍ଲବରେ ସ୍ଥାନ ପାଇ ସାରିଛି।
ଅଲ୍ଲି ଆବ୍ବାସ୍ ଜାଫର କହିଛନ୍ତି,“କବୀର ଖାନ୍ ମୋ ପରି ଫିଲ୍ମ ନିର୍ମାଣ କରିପାରିବେ ନାହିଁ କି ମୁଁ ତାଙ୍କ ପରି ଫିଲ୍ମ ନିର୍ମାଣ କରିପାରିବି ନାହିଁ। କବୀର ଯେତେ ଫିଲ୍ମ କରିଛନ୍ତି ତାହାର ସ୍କ୍ରିପ୍ଟ ମୋ ସହ ସେୟାର କରିଛନ୍ତି ମୁଁ ତାଙ୍କ ସହ ବହୁ ଫିଲ୍ମର ସ୍କ୍ରିପ୍ଟ ସେୟାର କରିଛି। ଆମେ ‘ଟାଇଗର ଜିନ୍ଦା ହୈ’ ଫିଲ୍ମ ନିର୍ମାଣ ନେଇ ଆଲୋଚନା କରୁଛୁ। ଖୁବଶୀଘ୍ର ଏହାର ସ୍କ୍ରିପ୍ଟ ଓ ଅନ୍ୟାନ୍ୟ କାର୍ଯ୍ୟ ଆରମ୍ଭ ହେବ। ଏଥିରେ ସଲ୍ମାନ୍ଙ୍କ ବିପକ୍ଷରେ କାଟ୍ରିନା ରହିବେ କି ଆଉ କିଏ ରହିବେ ସେ ବିଷୟରେ ନିଷ୍ପତ୍ତି ହୋଇନାହିଁ।”
ଏହି ଫିଲ୍ମ ୨୦୧୭ ଇଦ୍ ପରେ ପରେ ମୁକ୍ତିଲାଭ କରିବା ଆଶା କରାଯାଉଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
