ଶ୍ରୀନଗର: ଜମ୍ମୁ କଶ୍ମୀରରୁ ଧାରା ୩୭୦ ଉଚ୍ଛେଦ ହେବାର ୧୨ ଦିନ ପରେ ଆଜି କିଛି ସ୍ଥାନରେ ଫୋନ୍ ସେବା ଆରମ୍ଭ ହୋଇଛି। ଜମ୍ମୁରେ ଇଣ୍ଟରନେଟର ସ୍ପୀଡ୍ ଟୁଜି ରହିଥିବା ବେଳେ କଶ୍ମୀରରେ ଇଣ୍ଟରନେଟ ସେବା ପାଇଁ ଆହୁରି କିଛି ଦିନ ଲାଗିବ ବୋଲି ଜଣାପଡ଼ିଛି। କଶ୍ମୀର ଉପତ୍ୟକା ଓ ଶ୍ରୀନଗରରେ ୧୦୦ରୁ ଅଧିକ ଟେଲିଫୋନ୍ ଏକ୍ସଚେଞ୍ଜ ରହିଥିବା ବେଳେ ୧୭ଟି ଏକ୍ସଚେଞ୍ଜ ସକ୍ରୀୟ ହୋଇଥିବା ସୂଚନା ରହିଛି।
ଜମ୍ମୁ, ସାଂବା, ରିୟାସି, କଠୁଆ, ଉଧମପୁରରେ ଟୁଜି ସ୍ପୀଡରେ ଇଣ୍ଟରନେଟ୍ ରହିଛି। ରଜୋରୀ ଜିଲ୍ଲାରେ ରାତି ୯ରୁ ସକାଳ ୫ ଯାଏ ୧୪୪ ଧାରା ଜାରି ରହିବ ଅନ୍ୟ ସମୟରେ ସ୍ୱାଭାବିକ ରହିବ ବୋଲି ଜିଲ୍ଲାପାଳ କହିଛନ୍ତି।
ଜମ୍ମୁ କଶ୍ମୀରରେ ଅଗଷ୍ଟ ୫ ତାରିଖଠୁ ଫୋନ୍ ଓ ଇଣ୍ଟରନେଟ୍ ସେବା ବନ୍ଦ ରହିଥିଲା। ଧାରା ୩୭୦ ଉଚ୍ଛେଦ ହେବା ପରେ ସରକାର ସଙ୍ଗେସଙ୍ଗେ ଫୋନ୍ ଏବଂ ମୋବାଇଲ୍ ସେବା ଉପରେ ପ୍ରତିବନ୍ଧକ ଲଗାଇଥିଲେ। ଅନ୍ୟପଟେ ସ୍ଥିତି ସ୍ୱାଭାବିକ ହେଉଥିବା ଦେଖି ସୋମବାର ରାଜ୍ୟର ସମସ୍ତ ସ୍କୁଲ, କଲେଜ ଖୋଲିବା ପାଇଁ ନିର୍ଦ୍ଦେଶ ଦେଇଥିବାବେଳେ ଶୁକ୍ରବାରଠାରୁ କିଛି ସରକାରୀ କାର୍ଯ୍ୟାଳୟ ଖୋଲିଥିବା ସୂଚନା ରହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
